66. Latou te lē fa‘aali mai fo‘i i tagata ni fa‘ailoga i le lagi; e lē fepulafi i latou e pei o le lā, e lē malamalama i latou e pei o le masina.
67. ‘Ua sili ‘iā te i latou o manu ‘ua mafai ‘iā i latou ‘ona lalafi ma puipui ‘iā te i latou lava.
68. O lea, ‘ua leai lava se fa‘ailoga e tasi o ni atua i latou; o le mea lea, ‘ia ‘aua ne‘i ‘outou matata‘u i ai.
69. Auā e pei o le tapui e lē puipuia a‘i se mea i se togāla‘au, e fa‘apea o o latou atua la‘au po o atua vali auro.
70. ‘Ua pei o se la‘au tuitui i le fa‘ato‘aga, ‘ua tutū i ai o manu felelei uma; o latou atua la‘au, po o atua vali auro po o le vali ario, ‘ua tutusa ma se tino oti ‘ua lafoa‘iina i le pouliuli.