56. O atua ‘ua faia i le la‘au, i le ma‘a, i le auro po o le ario, e lē fa‘aola i latou ‘iā i latou ai tagata gaoi po o tagata faomea; e sili lo latou malosi i lo atua ia;
57. latou te faoa le auro, le ario ma ‘ofu ‘ua fa‘a‘ofuina ai, ‘ona ō lea i latou ma ‘ua lē fesoasoani mai se atua ‘iā te ia lava.
58. O le mea lea, e lelei le tupu na te fa‘aalia lona malosi, po o le ipu e fa‘aaogāina i le fale ma ‘ua mitamita ai lē pule i ai; e lelei le faitoto‘a o le fale e puipuia ai o mea ‘ua i totonu, ‘ae leaga o atua pepelo.