1. ‘Ua o‘o i le aso na uma ai ‘ona fa‘atūina e Mose o le malumalu, ma na fa‘au‘uina ma fa‘apa‘iaina ai, ma mea uma o i ai, o le fatafaitaulaga fo‘i ma ana mea uma na ia fa‘au‘uina ai, ma fa‘apa‘iaina.
2. ‘Ona fai taulaga ai lea o ali‘i sili o Isaraelu, o matai o ‘āiga o latou tamā, o ali‘i sili i latou o itū‘āiga, o ē na pule i ē na faitaulia,
3. ‘ua latou ‘aumai a latou taulaga i luma o le ALI‘I, o fata fa‘ata‘avalevale ‘ua ufitia e ono, ma povi e sefulu ma le lua, o ali‘i e ta‘ito‘alua ma le fata fa‘ata‘avalevale e tasi, ma a latou povi e ta‘itasi; ‘ua latou ‘aumai ai i luma o le malumalu.
4. ‘Ona fetalai mai ai lea o le ALI‘I ‘iā Mose, ‘ua fa‘apea mai:
5. ‘Ia e talia ia mea mai ‘iā te i latou, ‘ina ‘ia fai a‘i le galuega o le fale fetāfa‘i o le fa‘apotopotoga; ‘e te tu‘uina atu ai i sa Levī, o le tagata ma le mea e tatau i lana galuega.
6. ‘Ona talia lea e Mose o fata fa‘ata‘avalevale ma povi ma tu‘u atu ai i sa Levī,
7. o fata fa‘ata‘avalevale e lua ma povi e fa na ia tu‘uina atu ai i le fānauga a Keresoma, e fa‘atatau i la latou galuega.
8. O fata fa‘ata‘avalevale e fa ma povi e valu na ia tu‘uina atu ai i le fānauga a Merari, e fa‘atatau i la latou galuega, i le pule a Itamaro le atali‘i o Arona le ositaulaga.
9. A o le fānauga a Koato na ia lē tu‘uina atu i ai se mea; auā o le galuega o le malumalu na ‘iā te i latou, latou te tau‘ave ai i o latou ua.
10. ‘Ua fai taulaga fo‘i ali‘i sili i le fa‘asāina o le fatafaitaulaga i le aso ma fa‘au‘uina ai, ‘ua avatu ai e ali‘i sili a latou taulaga i luma o le fatafaitaulaga.
11. ‘Ona fetalai mai ai lea o le ALI‘I ‘iā Mose: E ta‘itasi le ali‘i sili ma lona aso latou te ‘aumai ai a latou taulaga i le fa‘asāina o le fatafaitaulaga.
12. O lē na ‘aumai lana taulaga i le ulua‘i aso, o Naasona lea o le atali‘i o Aminatapu, o le itū‘āiga o Iuta ia;
13. o lana taulaga fo‘i o le tanoa ario e tasi, o lona mamafa e tasi le selau ma le tolugafulu o sekeli; o le ipu ario e tasi, e fitugafulu o sekeli lona mamafa, o le sekeli lea o le malumalu; ‘ua tūtūmu ia mea e lua i le falaoa lelei ‘ua palua ma le u‘u e fai ma taulaga i mea e ‘ai;
14. o le ipu auro e tasi, e sefulu o sekeli lona mamafa, ‘ua tumu i mea manogi e mū;
15. o le povi po‘a ta‘anoa e tasi, o le mamoe po‘a e tasi, ma le tama‘i mamoe e tasi ‘ua tasi lona tausaga, e fai ma taulaga mū;
16. o le ‘oti po‘a e tasi, e fai ma taulaga mo le agasala;
17. o povi fo‘i e lua, o mamoe po‘a e lima, o ‘oti po‘a e lima, ma tama‘i mamoe e lima e tasi lo latou tausaga, e fai ma taulaga fa‘afetai; o le taulaga lea a Naasona le atali‘i o Aminatapu.
18. O le lua o aso na ‘aumai ai e Natanielu o le atali‘i o Suaro, o le ali‘i sili o Isakara;
19. na ia ‘aumai lana taulaga, o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ‘ua tūtūmu ia mea e lua i le falaoa lelei ‘ua palua ma le u‘u e fai ma taulaga i mea e ‘ai;
20. o le ipu auro e tasi, e sefulu o sekeli lona mamafa ‘ua tumu i mea manogi e mū;
21. o le povi po‘a ta‘anoa e tasi, o le mamoe po‘a e tasi, ma le tama‘i mamoe e tasi ‘ua tasi lona tausaga, e fai ma taulaga mū;
22. o le ‘oti po‘a e tasi, e fai ma taulaga mo le agasala;
23. o povi fo‘i e lua, o mamoe po‘a e lima, o ‘oti po‘a e lima, ma tama‘i mamoe e lima e tasi lo latou tausaga, e fai ma taulaga fa‘afetai; o le taulaga lea a Natanielu le atali‘i o Suaro.
24. O le tolu o aso na fai taulaga ai le ali‘i sili o le fānauga a Sepulona, o Eliapo lea o le atali‘i o Holona;
25. o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ‘ua tūtūmu ia mea e lua i le falaoa lelei ‘ua palua ma le u‘u e fai ma taulaga i mea e ‘ai;
26. o le ipu auro e tasi, e sefulu o sekeli lona mamafa, ‘ua tumu i mea manogi e mū;
27. o le povi po‘a ta‘anoa e tasi, o le mamoe po‘a e tasi, ma le tama‘i mamoe e tasi ‘ua tasi lona tausaga, e fai ma taulaga mū;
28. o le ‘oti po‘a e tasi, e fai ma taulaga mo le agasala;
29. o povi fo‘i e lua, o mamoe po‘a e lima, o ‘oti po‘a e lima, ma tama‘i mamoe e lima e tasi lo latou tausaga, e fai ma taulaga fa‘afetai; o le taulaga lea a Eliapo o le atali‘i o Holona.
30. O le fa o aso na fai taulaga ai le ali‘i sili o le fānauga a Reupena, o Elisura lea o le atali‘i o Seturo;
31. o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ‘ua tūtūmu ia mea e lua i le falaoa lelei ‘ua palua ma le u‘u e fai ma taulaga i mea e ‘ai;
32. o le ipu auro e tasi, e sefulu o sekeli lona mamafa, ‘ua tumu i mea manogi e mū;
33. o le povi po‘a ta‘anoa e tasi, o le mamoe po‘a e tasi, ma le tama‘i mamoe e tasi ‘ua tasi lona tausaga, e fai ma taulaga mū;
34. o le ‘oti po‘a e tasi, e fai ma taulaga mo le agasala;
35. o povi fo‘i e lua, o mamoe po‘a e lima, o ‘oti po‘a e lima, ma tama‘i mamoe e lima e tasi lo latou tausaga, e fai ma taulaga fa‘afetai; o le taulaga lea a Elisura o le atali‘i o Seturo.
36. O le lima o aso na fai taulaga ai le ali‘i sili o le fānauga a Simeona, o Selumielu lea o le atali‘i o Surisatai;
37. o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa; o le sekeli lea o le malumalu; ‘ua tūtūmu ia mea e lua i le falaoa lelei ‘ua palua ma le u‘u e fai ma taulaga i mea e ‘ai;
38. o le ipu auro e tasi, e sefulu o sekeli lona mamafa, ‘ua tumu i mea manogi e mū;
39. o le povi po‘a ta‘anoa e tasi, o le mamoe po‘a e tasi, ma le tama‘i mamoe e tasi ‘ua tasi lona tausaga, e fai ma taulaga mū;
40. o le ‘oti po‘a e tasi, e fai ma taulaga mo le agasala;
41. o povi fo‘i e lua, o mamoe po‘a e lima, o ‘oti po‘a e lima, ma tama‘i mamoe e lima e tasi lo latou tausaga, e fai ma taulaga fa‘afetai; o le taulaga lea a Selumielu o le atali‘i o Surisatai.
42. O le ono o aso na fai taulaga ai le ali‘i sili o le fānauga a Kato, o Eliasafo lea o le atali‘i o Tuelu;
43. o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ‘ua tūtūmu ia mea e lua i le falaoa lelei ‘ua palua ma le u‘u e fai ma taulaga i mea e ‘ai;
44. o le ipu auro e tasi, e sefulu o sekeli lona mamafa, ‘ua tumu i mea manogi e mū;
45. o le povi po‘a ta‘anoa e tasi, o le mamoe po‘a o tasi, ma le tama‘i mamoe e tasi ‘ua tasi lona tausaga, e fai ma taulaga mū;
46. o le ‘oti po‘a e tasi, e fai ma taulaga mo le agasala;
47. o povi fo‘i e lua, o mamoe po‘a e lima, o ‘oti po‘a e lima, ma tama‘i mamoe e lima e tasi lo latou tausaga, e fai ma taulaga fa‘afetai; o le taulaga lea a Eliasafo o le atali‘i o Tuelu.
48. O le fitu o aso na fai taulaga ai le ali‘i sili o le fānauga a Efaraima, o Elisama lea o le atali‘i o Ameuta;
49. o lana taulaga o le tanoa ario e tasi, o lona mamafa e tasi le selau ma le tolugafulu a sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ‘ua tūtūmu ia mea e lua i le falaoa lelei ‘ua palua ma le u‘u e fai ma taulaga i mea e ai;
50. o le ipu auro e tasi, e sefulu o sekeli lona mamafa, ‘ua tumu i mea manogi e mū;
51. o le povi po‘a ta‘anoa e tasi, o le mamoe po‘a e tasi, ma le tama‘i mamoe e tasi ‘ua tasi lona tausaga, e fai ma taulaga mū;
52. o le oti po‘a e tasi, e fai ma taulaga mo le agasala;
53. o povi fo‘i e lua, o mamoe po‘a e lima, o ‘oti po‘a e lima, ma tama‘i mamoe e lima e tasi lo latou tausaga, e fai ma taulaga fa‘afetai o le taulaga lea a Elisama o le atali‘i o Ameuta.
54. O le valu o aso na fai taulaga ai le ali‘i sili o le fānauga a Manase, o Kamalielu lea o le atali‘i o Petasura;
55. o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ‘ua tūtūmu ia mea e lua i le falaoa lelei ‘ua palua ma le u‘u e fai ma taulaga i mea e ‘ai;
56. o le ipu auro e tasi, e sefulu o sekeli lona mamafa, ‘ua tumu i mea manogi e mū;
57. o le povi po‘a ta‘anoa e tasi, o le mamoe po‘a e tasi, ma le tama‘i mamoe e tasi ‘ua tasi lona tausaga, e fai ma taulaga mū;
58. o le ‘oti po‘a e tasi, e fai ma taulaga mo le agasala;
59. o povi fo‘i e lua, o mamoe po‘a e lima, o ‘oti po‘a e lima, ma tama‘i mamoe e lima e tasi lo latou tausaga, e fai ma taulaga fa‘afetai; o le taulaga lea a Kamalielu o le atali‘i o Petasura.
60. O le iva o aso na fai taulaga ai le ali‘i sili o le fānauga a Peniamina, o Apitano lea o le atali‘i o Kitione;
61. o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ‘ua tūtūmu ia mea e lua i le falaoa lelei ‘ua palua ma le u‘u e fai ma taulaga i mea e ‘ai;
62. o le ipu auro e tasi, e sefulu o sekeli lona mamafa, ‘ua tumu i mea manogi e mū;
63. o le povi po‘a ta‘anoa e tasi, o le mamoe po‘a e tasi, ma le tama‘i mamoe e tasi ‘ua tasi lona tausaga, e fai ma taulaga mū;
64. o le ‘oti po‘a e tasi, e fai ma taulaga mo le agasala;
65. o povi fo‘i e lua, o mamoe po‘a e lima, o ‘oti po‘a e lima, ma tama‘i mamoe e lima e tasi lo latou tausaga, e fai ma taulaga fa‘afetai; o le taulaga lea a Apitano o le atali‘i o Kitione.
66. O le sefulu o aso na fai taulaga ai le ali‘i sili o le fānauga a Tanu, o Aisera lea o le atali‘i o Amisatai;
67. o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ‘ua tūtūmu ia mea e lua i le falaoa lelei ‘ua palua ma le u‘u e fai ma taulaga i mea e ‘ai;
68. o le ipu auro e tasi, e sefulu a sekeli lona mamafa, ‘ua tumu i mea manogi e mū;
69. o le povi po‘a ta‘anoa e tasi, o le mamoe po‘a e tasi, ma le tama‘i mamoe e tasi ‘ua tasi lona tausaga, e fai ma taulaga mū;
70. o le ‘oti po‘a e tasi, e fai ma taulaga mo le agasala;
71. o povi fo‘i e lua, o mamoe po‘a e lima, o ‘oti po‘a e lima, ma tama‘i mamoe e lima e tasi lo latou tausaga, e fai ma taulaga fa‘afetai; o le taulaga lea a Aisera o le atali‘i o Amisatai.
72. O le sefulu ma le tasi o aso na fai taulaga ai le ali‘i sili o le fānauga a Asera, o Pagielu lea o le atali‘i o Okirano;
73. o lana taulaga o le tanoa, ario e tasi, o lona mamafa e tasi le selau ma le, tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ‘ua tūtūmu ia mea e lua i le falaoa lelei ‘ua palua ma le u‘u e fai ma taulaga i mea e ‘ai;
74. o le ipu auro e tasi, e sefulu o sekeli lona mamafa, ‘ua tumu i mea manogi e mū;
75. o le povi po‘a ta‘anoa e tasi, o le mamoe po‘a e tasi, ma le tama‘i mamoe e tasi ‘ua tasi lona tausaga, e fai ma taulaga mū;
76. o le ‘oti po‘a e tasi, e fai ma taulaga mo le agasala;
77. o povi fo‘i e lua, o mamoe po‘a e lima, o ‘oti po‘a e lima, ma tama‘i mamoe o lima e tasi lo latou tausaga, e fai ma taulaga fa‘afetai; o le taulaga lea a Pagielu o le atali‘i o Okirano.
78. O le sefulu ma le lua o aso na fai taulaga ai le ali‘i sili o le fānauga a Nafatali, o Akira lea o le atali‘i o Enano;
79. o lana taulaga o le tanoa ario e tasi, o lona mamafa e tasi le selau ma le tolugafulu o sekeli, o le ipu ario e tasi, e fitugafulu o sekeli lona mamafa, o le sekeli lea o le malumalu; ‘ua tūtūmu ia mea, e lua i le falaoa lelei na palua ma le u‘u e fai ma taulaga i mea e ‘ai;
80. o le ipu auro e tasi, e sefulu o sekeli lona mamafa, ‘ua tumu i mea manogi e mū;
81. o le povi po‘a ta‘anoa e tasi, o le mamoe po‘a e tasi, ma le tama‘i mamoe e tasi ‘ua tasi lona tausaga, e fai ma taulaga mū;
82. o le ‘oti po‘a e tasi, e fai ma taulaga mo le agasala;
83. o povi fo‘i e lua, o mamoe po‘a e lima, o ‘oti po‘a e lima, ma tama‘i mamoe e lima e tasi lo latou tausaga, e fai ma taulaga fa‘afetai; o le taulaga lea a Akira o le atali‘i o Enano.
84. O le fa‘asāina lenei o le fatafaitaulaga e ali‘i sili o Isaraelu i le aso na fa‘au‘uina ai; o tanoa ario e sefulu ma le lua, o ipu ario e sefulu ma le lua, o ipu auro e sefulu ma le lua;
85. o tanoa ario e ta‘itasi ma sekeli e tasi le selau ma le tolugafulu lona mamafa, o ipu e ta‘itasi ma sekeli e fitugafulu lona mamafa; o mea ario uma e lua afe ma le fa galau o sekeli ia, o le sekeli lea o le malumalu,
86. o ipu auro e sefulu ma le lua sa tūtūmu i mea manogi e mū, e ta‘isefulu sekeli lo latou mamafa, o le sekeli lea o le malumalu; o auro uma o ipu e tasi le selau ma le luafulu o sekeli.
87. o povi uma e fai ma taulaga mū, o povi po‘a e sefulu ma le lua, o mamoe po‘a e sefulu ma le lua, ma tama‘i mamoe e tasi lo latou tausaga e tasi le sefulu ma le lua, ma o latou taulaga i mea e ‘ai; o ‘oti po‘a fo‘i e sefulu ma le lua e fai ma taulaga mo le agasala.
88. O povi uma fo‘i e fai ma taulaga fa‘afetai o luafulu ma le fa o povi po‘a ia, o mamoe po‘a e onogafulu, o ‘oti po‘a e onogafulu, ma tama‘i mamoe e tasi lo latou tausaga e onogafulu. o le fa‘asāina lea o le fatafaitaulaga ‘ina ‘ua uma ona fa‘au‘uina ai.
89. ‘Ua ulu atu Mose i le fale fetāfa‘i o le fa‘apotopotoga la te tautala ma le ALI‘I, ‘ona lagona ai lea e ia o le si‘ufofoga ‘ua tulei mai ‘iā te ia a‘i le nofoa o le alofa ‘ua i luga o le ‘atola‘au o le tulafono, mai le vā o kerupi e lua; ‘ua fetalai mai lava o ia ‘iā te ia.#