1. O sāvaliga ia a le fānauga a Isaraelu, e na ō mai mai le nu‘u o Aikupito, ‘iā latou ‘au i le pule a Mose ma Arona.
2. Na tusia e Mose o mea na latou ō mai ai i o latou sāvaliga e tusa ma le afioga a le ALI‘I, o latou sāvaliga ia i mea na latou ō mai ai.
3. Na ō mai i latou mai Ramese i le masina muamua, i le aso e sefulu ma le lima o le masina muamua; o le aso ‘ua aupito mai i le paseka na ō mai ai le fānauga a Isaraelu ma le lima malosi i luma o Aikupito uma.
4. Auā na tatanu e Aikupito o ulumatua uma na fasiotia e le ALI‘I ‘iā te i latou ē na fa‘asalaina fo‘i e le ALI‘I o latou atua.
5. Na ō mai le fānauga a Isaraelu mai Ramese, ma latou tolauapi i Sukota.
6. Na latou ō mai mai Sukota, ma latou tolauapi i Etama, o lo‘o tupito i le vao.
7. Na latou ō mai mai Etama, ‘ona toe fo‘i atu lea i Peairota, ‘ua fesagai ma Paalasefona, ma latou tolauapi i luma o Mekatala.
8. Na latou ō mai mai luma o Airota, lona latou ui atu lea i totonu o le sami i le vao, e tolu aso o la latou malaga i le vao o Etama, ‘ona latou tolauapi ai lea i Mara.
9. Na latou ō mai mai Mara, ‘ona o‘o mai ai lea o i latou i Ailima; ‘ua i Ailima o vaipuna e sefulu ma le lua, ma pama e fitugafulu; ‘ua latou tolauapi ai.
10. Na latou ō mai mai Ailima, ma latou tolauapi e latalata ane i le sami Ulaula.
11. Na latou ō mai mai le sami Ulaula, ma latou tolauapi i le vao o Sina.
12. Na latou ō mai mai le vao o Sina, ma latou tolauapi i Tapeka.
13. Na latou ō mai mai Tapeka, ma latou tolauapi i Alusa.
14. Na latou ō mai mai Alusa, ma latou tolauapi i Refiti; sa leai se vai i lea mea e feinu ai le nu‘u.
15. Na latou ō mai mai Refiti; ma latou tolauapi ui le vao o Sinai.
16. Na latou ō mai mai le vao o Sinai, ma latou tolauapi i Kiperota-atava.
17. Na latou ō mai mai Kiperota-atava, ma latou tolauapi i Haserota.
18. Na latou ō mai mai Haserota, ma latou tolauapi i Ritima.
19. Na latou ō mai mai Ritima, ma latou tolauapi i Rimoni-paresa.
20. Na latou ō mai mai Rimoni-paresa, ma latou tolauapi i Lipena.
21. Na latou ō mai mai Lipena, ma latou tolauapi i Risa.
22. Na latou ō mai mai Risa, ma latou tolauapi i Kailata.
23. Na latou ō mai mai Kailata, ma latou tolauapi i le mauga o Sapera.
24. Na latou ō mai mai le mauga o Sapera, ma latou tolauapi i Harata.
25. Na latou ō mai mai Harata, ma latou tolauapi i Makelota.
26. Na latou ō mai mai Makelota, ma latou tolauapi i Taata.
27. Na latou ō mai mai Taata, ma latou tolauapi i Tara.
28. Na latou ō mai mai Tara, ma latou tolauapi i Meteka.
29. Na latou ō mai mai Meteka, ma latou tolauapi i Hasamoni.
30. Na latou ō mai mai Hasamoni, ma latou tolauapi i Moserota.
31. Na latou ō mai mai Moserota, ma latou tolauapi i Peneakana.
32. Na latou ō mai mai Peneakana, ma latou tolauapi i Horokikata.
33. Na latou ō mai mai Horokikata, ma latou tolauapi i Iatepata.
34. Na latou ō mai mai Iatepata, ma latou tolauapi i Aperona.
35. Na latou ō mai mai Aperona, ma latou tolauapi i Esiokape.
36. Na latou ō mai mai Esiokape, ma latou tolauapi i le vao o Tisina, o Katesa lea.
37. Na latou ō mai mai Katesa, ma latou tolauapi i le mauga o Horo, i le pito nu‘u o Etoma.
38. Na alu a‘e Arona le ositaulaga i le mauga o Horo, e tusa ma le afioga a le ALI‘I, ‘ona oti ai lea o ia i lea mea i le tausaga e fagafulu talu ‘ona ō mai o le fānauga a Isaraelu ai le nu‘u o Aikupito, i le aso muamua o le masina e lima.
39. E tasi le selau ma le luafulu ma le tolu o tausaga o Arona ‘ina ‘ua oti o ia i le mauga o Horo.
40. Na fa‘alogo le tupu o Arata, o le sa Kananā, o lē na nofo i Kanana, i le itū i saute, ‘ua ō mai le fānauga a Isaraelu.
41. Na latou ō mai mai le mauga o Horo, ma latou tolauapi i Salemoni.
42. Na latou ō mai mai Salemoni, ma latou tolauapi i Pinono.
43. Na latou ō mai mai Pinono, ma latou tolauapi i Opoto.
44. Na latou ō mai mai Opoto, ma latou tolauapi i Ieaperima, o i le tuā‘oi o Moapi.
45. Na latou ō mai mai Iima, ma latou tolauapi i Tipona-kato.
46. Na latou ō mai mai Tipona-kato, ma latou tolauapi i Alemoni-tipelata.
47. Na latou ō mai mai Alemoni-tipelata, ma latou tolauapi i mauga o Aperima, e feagai ma Nepo.
48. Na latou ō mai mai mauga o Aperima, ma latou tolauapi i le ‘ele‘ele laugatasi o Moapi, e latalata ane i Ioritana e fesagai ma Ieriko.
49. Na tolauapi i latou e latalata ane i Ioritana, pau mai i Petesemota, pau mai i Apelasetima, i le ‘ele‘ele laugatasi o Moapi.
50. ‘Ona fetalai mai lea o le ALI‘I ‘iā Mose i le ‘ele‘ele laugatasi o Moapi, e latalata ane i Ioritana, e fesagai ma Ieriko, ‘ua fa‘apea mai:
51. ‘Ia e fai atu i le fānauga a Isaraelu, ‘ia fa‘apea atu ‘iā te i latou, A ‘outou o‘o atu i lelā itū o Ioritana i le nu‘u o Kanana,
52. ‘ona ‘outou tulia ai lea o ē o nonofo i le nu‘u uma lava a‘i o ‘outou luma, ‘ia ‘outou fa‘aumatia a latou fa‘atagata uma lava, ‘ia fa‘aumatia fo‘i e ‘outou a latou tupua u‘amea lava; o a latou mea maualuluga uma lava tou te matuā fa‘aumatia.
53. ‘Ia tulia e ‘outou le nu‘u, ma ‘outou nonofo ai; auā ‘ua ‘ou tu‘uina atu le nu‘u ‘iā te ‘outou e fai mo ‘outou tofi.
54. Tou te tofitofi le nu‘u i le vili e fai ma tofi i o ‘outou ‘āiga; o ē to‘atele ‘ia ‘outou avatu i ai le tofi ‘ia tele; a o ē to‘aitiiti, ‘ia ‘outou avatu i ai le tofi ‘ia itiiti; o le mea e fa‘asaga i ai le vili a le tagata e fai lea mōna, e maua o ‘outou tofi i itū‘āiga o ‘outou tamā.
55. ‘Ae ‘āfai tou te lē tulia i o ‘outou luma o ē o nonofo i le nu‘u, ‘ona ‘avea lea o i latou o ē ‘ua ‘outou fa‘atotoeina, ma mea matuitui i o ‘outou mata, ma la‘au talatala i o ‘outou itū, ma latou fa‘atigā ‘iā te ‘outou i le nu‘u tou te nonofo ai.
56. E i‘u fo‘i ‘ina ‘ou faia ‘iā te ‘outou e fa‘apei ‘ona ‘ou manatu e fai ‘iā te i latou.