51. O i latou ia o le fānauga a Isaraelu na faitaulia, e ono selau o afe ma le afe e tasi ma le fitu selau ma le to‘atolu sefulu.
52. ‘Ona fetalai mai ai lea o le ALI‘I ‘iā Mose, ‘ua fa‘apea mai:
53. O i latou ia ia tufatufaina atu i ai le fanua e fai ma tofi, ‘ia fa‘atatau i le faitau o igoa;
54. o ē to‘atele ia e avatu i ai le tofi ‘ia tele; a o ē to‘aitiiti ‘ia e avatu i ai le tofi ‘ia itiiti; ‘e te avatu lona tofi i le tagata e tusa ma le faitau o ē ‘ua ‘iā te ia.
55. ‘Ae peita‘i e tufatufaina le fanua i le vili; e fai fo‘i o latou tofi e tusa ma igoa o itū‘āiga o latou tamā;
56. o tufatufaina fo‘i e tusa ma le vili o le tofi i ē to‘atele ‘atoa fo‘i ma ē to‘aitiiti.