27. O le mea lea ‘ua fa‘apea mai ai o ē fai fa‘ata‘oto,“‘Inā ō mai ia i Hesepona, se‘i atiina a‘e,ma teuteua le ‘a‘ai o Sekono.
28. Auā ‘ua alu atu le afi nai Hesepona,o le afi mumū nai le ‘a‘ai o Sekono,‘ua susunuina ai Aro o Moapi,o ali‘i o mea maualuluga i Arinona.
29. ‘Oi talofa ‘iā te oe, Moapi e,‘ua fano oe, le nu‘u o Kimosa;‘ua tu‘uina e ia ona atali‘i na sao,ma ona afafine e fai ma tagata o tau‘a ‘iā Sekono le tupu o sa Amorī.
30. Sa matou fanafana atu ‘iā te i latou;‘ua fano Hesepona e o‘o i Tipona;sa matou fa‘atafuna ‘iā te i latou ‘ua pa‘i atu i Nofa, e tuā‘oi ma Metepa.”
31. ‘Ua mau Isaraelu i le nu‘u o sa Amorī;
32. ‘Ona ‘a‘auina atu ai lea e Mose nisi e asiasi i Iasaru ‘ua faoa fo‘i e i latou ona faoa ‘a‘ai, ma latou tutuli‘eseina sa Amorī na i ai.