11. E ‘iā te oe fo‘i lenei mea; o le taulaga si‘i a‘i la latou mea foa‘iina ma taulaga lūlū uma lava a le fānauga a Isaraelu; ‘ua ‘ou foa‘iina ia mea ‘iā te oe, o ou atali‘i fo‘i ma ou afafine fa‘atasi ma oe, o le tulafono lea e fa‘avavau; ‘atoa uma ē ‘ua mamā i lou ‘āiga latou te ‘a‘ai ai.
12. O mea uma e sili ‘ona lelei o le suāu‘u, ma mea uma e sili ‘ona lelei o i le uaina ma le saito; o fa‘apolopolo o ia mea latou te ‘aumaia i le ALI‘I, ‘ou te foa‘iina ia mea ‘iā te oe.
13. O mea uma e mua‘i matutua i o latou fanua, e ‘aumaia e i latou i le ALI‘I, e ‘iā te oe lava ia mea; ‘atoa uma ē ‘ua mamā i lou ‘āiga latou te ‘a‘ai ai.