29. ‘Āfai e oti ia tagata e pei o le oti o tagata uma, pe o‘o ‘iā te i latou e pei ‘ona o‘o i tagata uma, ‘ona iloa lea ‘ua lē ‘auina a‘u e le ALI‘I.
30. ‘Ae ‘āfai e faia e le ALI‘I le mea fou, ma fa‘amaga le gutu o le ‘ele‘ele, ma folo ‘iā te i latou, ma mea uma o lo‘o ‘iā te i latou, ma latou ō ifo i seoli o ola lava, ‘ona ‘outou iloa ai lea ‘ua ‘ino‘ino ia tagata i le ALI‘I.”
31. ‘Ua uma ‘ona fai atu o ia o ia ‘upu uma, ‘ona mavae ai lea o le ‘ele‘ele i lalo o i latou.
32. ‘Ua fa‘amaga le gutu o le ‘ele‘ele, ‘ua folo ifo ‘iā te i latou, ma o latou ‘āiga, ‘atoa ma tagata uma na ‘iā Koru ma a latou mea uma.
33. ‘Ua ō ifo i seoli i latou ma i latou uma e na ‘iā i latou o ola lava, ‘ona toe so‘o ane lea o le ‘ele‘ele i luga ‘iā te i latou; ‘ona fano ai lea o i latou ai le fa‘apotopotoga.