1. ‘Ua fetalai mai le ALI‘I ‘iā Mose i le vao o Sinai, i le fale fetāfa‘i o le fa‘apotopotoga, i le ulua‘i aso o le masina e lua i le tausaga e lua talu ‘ona latou ō mai nai le nu‘u o Aikupito, ‘ua fa‘apea mai:
2. Faitau mai ia le aofa‘i o le fa‘apotopotoga uma o le fānauga a Isaraelu, o latou itū‘āiga, o ‘āiga o latou tamā, o le aofa‘i o igoa, o tane uma ta‘ito‘atasi;
3. e āfua mai i ē ‘ua luafulu o latou tausaga ‘atoa ma ē ‘ua matutua ai, ‘atoa uma o Isaraelu e mafai ‘ona ō i le tau‘a; o oe ma Arona lua te faitaulia i latou ‘iā latou ‘au.
4. E ‘iā te ‘oulua fo‘i ni tagata, e ta‘itasi itū‘āiga ma lona tagata; o matai i latou o ‘āiga o latou tamā.
5-15. O igoa fo‘i nei o tagata e fa‘atasi ma ‘oulua: Itū‘āiga O Matai Reupena: o Elisura o le atali‘i o Seturo Simeona: o Selumielu o le atali‘i o Surisatai Iuta: o Naasona o le atali‘i o Aminatapu Isakara: o Natanielu o le atali‘i o Suaro Sepulona: o Eliapo o le atali‘i o Holona Efaraima: o Elisama o le atali‘i o Ameuta Manase: o Kamalielu o le atali‘i o Petasura Peniamina: o Apitano o le atali‘i o Kitione Tanu: o Aisera o le atali‘i o Amisatai Asera: o Pagielu o le atali‘i o Okirano Kato: o Eliasafo o le atali‘i o Tuelu Nafatali: O Akira o le atali‘i o Enano
16. O i latou ia sa ta‘ua i le fa‘apotopotoga o ali‘i sili o itū‘āiga o o latou tamā o matai ia o afe o Isaraelu.
17. ‘Ona ‘ave ai lea e Mose ma Arona ia tagata ‘ua ta‘ua o latou igoa,
18. ma latou fa‘apotopotoina fa‘atasi le fa‘apotopotoga uma lava i le ulua‘i aso o le masina e lua, ‘ona latou talatalaina atu ai lea o latou tupuga i o latou itū‘āiga, i ‘āiga o latou tamā, o le aofa‘i o igoa ta‘ito‘atasi, e āfua mai i ē ‘ua luafulu o latou tausaga ‘atoa ma ē ‘ua matutua ai.
19. E pei ‘ona poloa‘i mai o le ALI‘I ‘iā Mose, e fa‘apea ‘ona faitaulia e ia o i latou i le vao o Sinai.
20-46. O le fānauga a Reupena o le ulumatua a Isaraelu, o latou gafa i o latou itū‘āiga i ‘āiga o latou tamā, o le aofa‘i o igoa, o tane uma lava e ta‘ito‘atasi, e āfua mai i ē ‘ua luafulu o latou tausaga ‘atoa ma ē ‘ua matutua ai, o i latou uma lava e mafai ‘ona ō i le tau‘a, Itū‘āiga Faitauaofa‘iga Reupena: e fa sefulu o afe ma afe e ono ma le lima o selau Simeona: e lima sefulu o afe ma afe e iva ma le tolu o selau. Kato: e fa sefulu o afe ma afe e lima ma le ono o selau ma le lima o sefulu. Iuta: e fitu sefulu o afe ma afe e fa ma le ono o selau. Isakara: e lima sefulu o afe ma afe e fa ma le fa o selau Sepulona: e lima sefulu o afe ma afe e fitu ma le fa o selau. Efaraima: e fa sefulu o afe ma le lima o selau. Manase: e tolu sefulu o afe ma afe e lua ma le lua o selau. Peniamina: e tolu sefulu o afe ma afe e lima ma le fa o selau. Tanu: e ono sefulu o afe ma afe e lua ma le fitu o selau. Asera: e fa sefulu o afe ma le afe e tasi ma le lima o selau. Nafatali: e lima sefulu o afe ma afe e tolu ma le fa o selau. Tu‘ufa‘atasiga: e ono selau o afe ma afe e tolu ma le lima o selau ma le lima o sefulu.
47. A o sa Levī i le itū‘āiga o latou tamā e le‘i faitaulia fa‘atasi ma i latou.
48. Auā na fetalai mai le ALI‘I ‘iā Mose, ‘ua fa‘apea mai:
49. Tau lava o le itū‘āiga o Levi ‘aua ‘e te faitaulia, ‘aua fo‘i ‘e te faitau aofa‘i i latou fa‘atasi ma le fānauga a Isaraelu
50. a ‘ia e tofia sa Levī e pule i le malumalu ‘ua i ai le tulafono, ma ona ipu uma, ma ana mea uma; latou te tau‘ave le malumalu ma ona ipu uma; ma latou ‘au‘auna i ai; latou te tolauapi fo‘i fa‘ata‘ali‘oli‘o i le malumalu.
51. Pe a ‘ave le malumalu, e talaina lava e sa Levī; pe a tō fo‘i le malumalu, e fa‘atūina lava e sa Levī; a o le tagata ‘ese e fa‘alatalata i ai e fasiotia lava ia.
52. E tolauapi le fānauga a Isaraelu, po le tagata ma le toagalauapi o lona itū‘āiga, o le tagata fo‘i i le mea e i ai lo latou tagāvai, ‘iā latou ‘au.
53. A o sa Levī; latou te tolauapi fa‘ata‘ali‘oli‘o i le malumalu ‘ua i ai le tulafono, ‘ina ne‘i o‘o le to‘asā i le fa‘apotopotoga o le fānauga a Isaraelu; e tausi fo‘i e sa Levī sauniga o le malumalu ‘ua i ai le tulafono.
54. ‘Ua faia lava e le fānauga a Isaraelu e tusa ma mea uma na poloa‘i mai ai le ALI‘I ‘iā Mose, ‘ua fa‘apea lava ‘ona latou faia.