Neemia 12 O LE TUSI PA'IA - Ekalesia Katoliko Roma (RSCB)

O Ositaulaga ma sa Levī na ō a‘e ma Serupapelu

1. O ositaulaga nei ma sa Levī na ō a‘e fa‘atasi ma Serupapelu le atali‘i o Salatielu ma Iosua:o Seraia, o Ieremia, o Esera,o Amaria, o Maluka, o Hatusa,o Sekania, o Rekuma, o Meremota,o Itu, o Gineto, o Avia,o Meamina, o Maatia, o Pileka,o Semaia, ma Ioaripa, o Ietaia,o Salu, o Amoka, o Hilikia ma Ietaia.O matai ia o ositaulaga ma o latou uso i ona aso o Iosua.O ē na pule i pese fa‘afetai: o Iosua, o Pinui, o Katameeli, o Serepea, o Iuta ma Matania.

2-7O Ositaulaga:

9. O latou nei sa fa‘afeagai ma leoleoga: o Pakepuka ma Uni, ma o la uso sa Levī.

O ē na Tutupu mai ‘iā Iosua le Ositaulaga

10. Na fānaua e Iosua o Ioiakima, na fānaua fo‘i a Ioiakima o Eliasipa, na fānaua fo‘i e Eliasipa o Ioata,

11. na fānaua fo‘i e Ioata o Ionatana, na fānaua e Ionatana o Iatua.

O Ta‘ita‘i o le ‘Au Ositaulaga

12-21. Sa i ai fo‘i i ona po a o ‘avea o Ioiakima ma ositaulaga sili: O Ositaulaga nei sa ta‘ita‘i i itū‘āiga ta‘itasi: Ositaulaga Itū‘āiga: o Meraia, o lo sa Seraiā o Hanania, o lo sa Ieremiā o Mesulama, o lo sa Eserā o Ioanana o lo sa Amariā o Ionatana, o lo sa Melikā o Iosefa, o lo sa Sepaniā o Atena, o lo sa Harimā o Helekia, o lo sa Meraiotā o Sakaria, o lo sa Itō o Mesulama, o lo sa Ginetonū o Sekeri, o lo sa Aviā io lo sa Meneaminā o Piletai, o lo sa Moatiā o Samua, o lo sa Pilekā o Ionatana, o lo sa Semaiā o Matenai fo‘i, o lo sa Ioaripā o Usi o lo sa Ietaiā o Kalai, o lo sa Salaī o Eperu, o lo sa Amokā o Hasapeia, o lo sa Hilikiā o Natanielu, o lo sa Ietaiā

O Fa‘amaumauga o le ‘Au Ositaulaga ma le ‘Au sa Levī

22. O ona po o Eliasipa, ma Ioata, ma Ioanana, ma Iatua, na tusia ai o sa Levī o matai sili; ‘atoa ma ositaulaga, e o‘o i le mālō o Tariu le Peresia.

23. Sa tusia i le tusi o tala i nofoa‘iga, o atali‘i o Levī o matai sili, e o‘o i ona po o Ioanana o le atali‘i o Eliasipa.

O Tiute ma Matāfaioi ‘ua Tofia i ai nisi i le Malumalu

24. O matai fo‘i o sa Levī o Hasapeia, o Serepea, ma Iosua le atali‘i o Katameeli, ma o latou uso e fa‘afeagai, e vivi‘i ma fa‘afetai, e tusa ma le poloa‘iga a Tavita le tagata o le Atua, e auaua‘i i leoleoga.

25. O Matania, ma Pakepuka, o Opetaia, o Mesulama, o Talemoni, ma Akopa, o leoleo faitoto‘a i latou na leoleo i fa‘aputuga mea i faitoto‘a.

26. Sa i ai i latou i ona po o Ioiakima le atali‘i o Iosua, o le atali‘i ia o Iosataka, ma ona po o Neemia le ali‘i e pule, ma Esera le ositaulaga, le tusi‘upu.

‘Ua Fa‘apa‘iaina e Neemia o ‘Au Pā o Ierusalema

27. O le fa‘asāina fo‘i o le pā o Ierusalema ‘ua latou sā‘ilia sa Levī i o latou ‘a‘ai uma, e ‘aumai ‘iā te i latou i Ierusalema, e fai le fa‘asāina o le pā ma le fiafia, ma fa‘afetai, ma pese, ma sumepalo, ma, napeli, ma kitara.

28. ‘Ua fa‘apotopoto mai fo‘i le fānauga a ē pepese, a‘i le fanua laugatasi e si‘osi‘oina ai Ierusalema mai faoa ‘a‘ai fo‘i o Netopa;

29. ma Petekilikala, ma fanua o Kipea, ma, Asemau; auā na faia o ē pepese mo i latou o faoa ‘a‘ai sa fa‘ata‘ali‘oli‘o i Ierusalema.

30. O ositaulaga ma sa Levī na fa‘amamā i latou ‘iā te i latou, na latou fa‘amamā fo‘i i le nu‘u, ma faitoto‘a, ma le pā.

31. ‘Ona ‘ou ‘aveina a‘e lea o ali‘i o Iuta i luga o le pā, ma ‘ou tofia vasega tetele e lua o ē fa‘afetai.Na sāvavali fo‘i le tasi vasega i le itū taumatau i luga o le pā, e o‘o i le faitoto‘a o le otaota;

32. na mulimuli atu fo‘i ‘iā te i latou o Hosaia, ma le tasi vaega o ali‘i o Iuta,

33. ma Asaria, o Esera, ma Mesulama,

34. o Iuta, ma Peniamina, ma Semaia, ma Ieremia.

35. O isi atali‘i fo‘i o ositaulaga ‘ua i ai pū; o Sakaria le atali‘i o Ionatana, o le atali‘i ia o Semaia, o le atali‘i ia o Matania, o le atali‘i ia o Mekaia, o le atali‘i ia o Sakura, o le atali‘i ia o Asafo;

36. ma ona uso, o Semaia, ma Asareelu, o Melali, o Kilali, o Maai, o Natanielu, ma Iuta, ma Hanani, ‘ua i ai la‘aupese a Tavita le tagata o le Atua, ma Esera le tusi‘upu i o latou luma.

37. O le faitoto‘a fo‘i o le vaipuna, sa i o latou luma, na latou ō a‘e ai i le ala fa‘a‘apefa‘i o le ‘a‘ai o Tavita, i le alu a‘e o le pā i luga o le fale o Tavita, e o‘o atu lava i le faitoto‘a o le vai i sasa‘e.

38. O lona lua fo‘i o vasega o ē na fa‘afetai ‘ua latou sāvavali i le tasi itū, ‘ua ‘ou mulimuli atu fo‘i ‘iā te i latou, ma le tasi vaega o le nu‘u i luga o le pā, e āfua i ona tala atu o le ‘olo o ‘ogāumu e o‘o atu i le pā lautele;

39. mai luga fo‘i o le faitoto‘a o Efaraima, ma luga o le faitoto‘a tuai, ma luga o le faitoto‘a o i‘a, ma le ‘olo o Hananiali, ma le ‘olo o Meaa, e o‘o lava i le faitoto‘a o mamoe; ma ‘ua latou tutū i le faitoto‘a o le fale puipui.

40. ‘Ona tutū ai lea o vasega e lua o ē fa‘afetai i le fale o le Atua, o a‘u fo‘i, ma le tasi vaega o faipule fa‘atasi ma a‘u;

41. ma ositaulaga; o Eliakimo, o Maaseia, o Meneamina, o Mekaia, o Elioenai, o Sakaria, ma Hanania, ‘ua i ai pū;

42. ma Maaseia, ma Semaia, ma Eleasara, ma Usi, ma Ioanana, ma Malekia, ma Elama, ma Esera. ‘Ua pepese fo‘i ma le leo tele o ē pepese, ma Isaraia lo latou matai.

43. ‘Ua latou osia fo‘i i lea aso o taulaga e tele, ma ‘ua latou fiafia; auā ‘ua fa‘afiafia le Atua ‘iā te i latou i le fiafia tele; o fafine fo‘i ma tama na latou fiafia; ‘ua lagona fo‘i le fiafia o Ierusalema i mea e mamao atu.

O Taulaga ma mea Fa‘apolopolo ma mea e Sefulua‘i mo le Malumalu

44. Sa tofia fo‘i i lea aso nisi e pule i potu e tu‘u ai ‘oloa, ma taulaga ma mea fa‘apolopolo, ma mea e sefulua‘i mea, e fa‘apotopoto i ai mai fanua o ‘a‘ai o mea e tusa ma le tulafono ma ositaulaga ma sa Levī; auā na fiafia Iuta ‘ona o ositaulaga ma sa Levī o ē na tutū mai.

45. O ē pepese fo‘i ‘atoa ma leoleo faitoto‘a, na latou tausiusi i le tofiga a lo latou Atua, ma le tofiga o le fa‘amamāina, e tusa ma le poloa‘iga a Tavita, ma Solomona lona atali‘i.

46. Auā talu anamua i ona po o Tavita ma Asafo sa i ai matai o ē pepese pese, ma pese e vivi‘i ai ma fa‘afetai i le Atua.

47. Na avane fo‘i e Isaraelu uma i ona po o Serupapelu, ma ona po o Neemia o tufa‘aga a ē pepese ma leoleo faitoto‘a, o le aso ma lana mea; ma latou avatu mea e sefulua‘i mea ma sa Levī; ‘ua avatu fo‘i e sa Levī o mea e sefulua‘i mea ma le fānauga a Arona.#