Le mataupu

  1. 1
  2. 2
  3. 3

Feagaiga Tuai

Feagaiga Fou

Nauma 3 O LE TUSI PA'IA - Ekalesia Katoliko Roma (RSCB)

O le Valo‘aga i le Malaia o Nineva

1. ‘Oi talofa i le ‘a‘ai o ē fasi tagata!‘ua tumu lava i le pepelo ma le sauā‘ua lē ‘ave‘eseina ai lava le mea na saeia.

2. O le pa‘ō o le sasa,o le ta‘alili o mea ta‘avalevale,o solofanua ‘ua feosofa‘i,ma kariota ‘ua osooso.

3. ‘Ua i ai le oso a‘e o ē ‘ua ti‘eti‘e i solofanua,ma le fepulafi mai o pelu, o le ‘emo‘emo mai fo‘i o tao.O le to‘atele fo‘i o ē ‘ua fasia,ma le faupuega o tagata oti;e lē masino tagata oti,‘ua latou tautevateva i o latou tagata oti.

4. ‘Ona o le tele o le talitane o le fafine talitane o le ‘ua lālelei.O le tama‘ita‘i taulāitu, o lē ‘ua fa‘atau atu nu‘u i lona talitane,‘atoa ma ‘āiga i ana togafiti fa‘ataulāitu.

5. O lo‘o fa‘apea mai le ALI‘I o ‘au:Fa‘auta, ‘ou te fai oe mo‘u fili,‘ou te susu‘e a‘e fo‘i ou lavalava,ma lafo a‘e i ou mata,‘ou te fa‘aali atu lou tino i atu nu‘u,e fa‘aali fo‘i lou mā i mālō.

6. ‘Ou te lafo mea leaga i luga ‘iā te oe,‘ou te fa‘a‘inosia fo‘i oe,ma ‘ou faia oe ma mata‘aga.

7. ‘Ona o‘o ai lea ‘ina sōsōla ‘ese ‘iā te oe o i latou uma o ē va‘ai atu ‘iā te oe,ma latou fa‘apea ane, “‘Ua fa‘atafunaina Ninevao ai sē fa‘amafanafana i ai?Po ifea ‘ou te sā‘ili ai nisi e fa‘amatalaloto ‘iā te oe?”

8. Pe sili ‘ea oe ‘iā Noamoni, o lē sa nofo i vaitafe, sa si‘omia fo‘i i le vai, o lona malosi o le vai tele lea, sa i ai lona pā i le vai tele?

9. O Aitiope o lona malosi lea, ‘atoa ma Aikupito, sa lē masino fo‘i ona tagata; o Futu ma Lipua o ou fesoasoani ia.

10. A ‘ua tāfea o ia, ‘ua alu o ia fa‘atasi ma ē na fa‘atagataotau‘aina; o ana tamaiti fo‘i sa palasi i tulu‘iga o ala uma, sa fai fo‘i le vili i ona ali‘i mamalu, sa nonoa fo‘i ona ali‘i sili uma i maea u‘amea.

11. O oe fo‘i ‘e te inu ‘ia ‘onā; ‘e te lafi lava; o oe fo‘i ‘e te sā‘ili se ‘olo ‘ona o lē ‘ua ita ‘iā te oe.

12. O ou ‘olo uma ‘ua ni mati ia, o lo‘o i ai fua e mua‘i matua; ‘āfai e lūlūina, ‘ona to‘ulu ai lea i le gutu o lē ‘ai ai.

13. Fa‘auta, o lou nu‘u i totonu ‘iā te oe ‘ua ni fafine lava, e matua avanoa faitoto‘a o lou nu‘u i ē e fai oe ma fili, e susunuina au fa‘amaufa‘alava i le afi.

14. ‘Ia e utuina vai, auā o le a si‘osi‘oina oe, ‘inā teu ia ‘ia malolosi ou ‘olo; alu ia i le palapala, ‘inā soli ia le ‘omea, ‘ia teu ‘ia malosi le mea e tunu ai ma‘a‘omea.

15. E susunuina oe i le afi i lea mea, e fasia oe i le pelu, na te ‘aina lava oe pei o le sē aleka, ‘ia fa‘ato‘ateleina oe pei o sē aleka, ‘ia fa‘ato‘ateleina oe pei o sē akerise.

16. ‘Ua e fa‘ato‘ateleina ou tagata fa‘atau e sili i fetū o le lagi; ‘ua salalau sē aleka, ‘ona lele ‘ese ai lea.

17. O ou ali‘i sili e pei o sē akerise ia ma ou ali‘i e pulea ‘au e pei o sē akerise aupito tetele ia, o ē nonofo i Ai i le aso ma‘alili, ‘ua alu a‘e le lā, ‘ona sōsōla ai lea e lē iloa fo‘i le mea latou te i ai.

18. Le tupu o Asuria e, o lo‘o momoe ou leoleo mamoe, o ta‘o‘oto ou ali‘i sili, ‘ua fa‘ata‘ape‘apeina lou nu‘u i mauga, e leai fo‘i sē na te fa‘apotopotoina i latou.

19. E leai sina feoloolo o lou malaia, e matuā leaga lou manu‘a; o latou uma o ē fa‘alogologo i le tala ‘iā te oe, latou te pati lima ‘iā te oe; auā o ai se tasi ‘ua lē o‘o i ona luga lau amio leaga e lē aunoa?#