1. ‘Oi talofa i ē mafaufau i amioletonu ma latou saunia mea leaga i o latou moega; pe a malama a‘e le taeao ‘ua latou faia auā ‘ua mafai ‘iā te i latou.
2. ‘Ua latou manana‘o fo‘i i fanua ma latou fao ai fa‘asauā, ‘atoa ma fale ma latou ‘avea; ‘ua latou sauā atu i le tagata ma lona ‘āiga, o le tagata ma lona tofi.
3. O le mea lea o lo‘o fa‘apea mai ai le ALI‘I: Fa‘auta, o lo‘o ‘ou mafaufau i se mea leaga i lenei lava ‘āiga, tou te lē mafai ‘ona ‘alo ‘ese ai o ‘outou ua tou te lē sāvavali fo‘i ma le fa‘asiasia; auā e leaga ia ona po.
4. E saunia se fa‘ata‘oto ‘iā te ‘outou i lea aso, e pese le pese e aualofa ai tele lava, e fa‘apea,“‘Ua matuā fa‘atafunaina i tatou;‘ua suia e ia le tofi o lo‘u nu‘u;auē! ‘ua ia ‘ave‘eseina ai ‘iā te a‘u,‘ua na tufatufa i o tatou fanua ‘ina ‘ia liliu‘eseina.”
5. O le mea lea o le a leai ai ‘iā te oe sē na te lāfolafoina se maea pe a fai le vili i le fa‘apotopotoga a le ALI‘I.