12. E vavae‘eseina e le ALI‘I le tagata ‘ua faia lenā mea, o lē ‘ua mataala ma lē ‘ua tali atu ai fale ‘ie o Iakopo, ‘atoa ma lē ‘ua avatu le taulaga i le ALI‘I o ‘au.
13. ‘Ua atu lua ‘ona faia e ‘outou o lenei mea, o lo‘o liloia ai le fatafaitaulaga o le ALI‘I i loimata, o le tagi, ma le auega; o le mea lea ‘ua lē toe silafia ai la ‘outou taulaga, e le talileleia fo‘i mai o ‘outou lima.
14. A ‘ua ‘outou fai mai, “‘Ai se a fo‘i?” Auā o le ALI‘I, o ia ‘ua fai ma molimau ‘iā te oe ma lau avā sa e fai a o ē taule‘ale‘a, o le ‘ua e fa‘a‘ole‘ole i ai; a o ia sa lua mafuta, o le avā fo‘i o ia o lau feagaiga.
15. Na ia le faia ‘ea le to‘atasi? A ‘ua ‘iā te ia fo‘i ‘ona toe o le agaga. Se a fo‘i ‘ua to‘atasi ai? ‘Ina ‘ia sā‘ili le fānau amio Atua; o lenei, ‘ia fa‘aeteete ‘outou i o ‘outou loto, ‘ina ne‘i fa‘a‘ole‘ole se tasi i lana avā na fai a o taule‘ale‘a.
16. Auā ‘ou te ‘ino‘ino i le alei, ‘ua fetalai mai ai le ALI‘I le Atua o Isaraelu; Auā ‘ua ufiufi e ia lona ‘ofu i le fa‘asauā, ‘ua fetalai mai ai le ALI‘I o ‘au. O le mea lea ‘ia ‘outou fa‘aeteete ai i o ‘outou loto, ‘ae ‘aua tou te fa‘a‘ole‘ole.
17. ‘Ua ‘outou fa‘atigā i le ALI‘I ‘iā ‘outou ‘upu; a ‘ua ‘outou fai mai, “‘Ua matou fa‘atigā ‘iā te ia i ni a?” ‘Ua fa‘atigā ‘iā te ia ‘ina ‘ua ‘outou fai ane; “O i latou uma o ē fai mea leaga, e lelei i latou i luma i le ALI‘I, ‘ua fiafia fo‘i o ia ‘iā i latou;” pe fa‘apea ane ‘outou, “O ifea le Atua, o lē fa‘amasino?”#