12. O se ipu ‘omea fo‘i e pa‘i atu i ai o lē ‘ua i ai le gau, e ta‘eia lea; a o ipu la‘au uma e fufuluina ia i le vai.
13. Pe a fa‘amamāina o ia ‘ua i ai le gau a‘i lona gau; ‘ona faitau ai lea e ia o aso e fitu mo lona fa‘amamāina, ‘ona ta lea e ia ona ‘ofu, ma tā‘ele lona tino i le vaipuna, ‘ona mamā ai lea.
14. O le aso valu fo‘i na te ‘aumai ai le uluga manutagi, po o tama‘i lupe e lua fua, ma alu atu i luma o le ALI‘I i le faitoto‘a o le fale fetāfa‘i o le fa‘apotopotoga, ma avane ai i le ositaulaga.
15. E sauni ai fo‘i e le ositaulaga le tasi e fai ma taulaga mo le agasala, a o le taulaga mū le tasi; ‘ona fai ai lea e le ositaulaga le togiola mo ia i luma o le ALI‘I ‘ona o lona gau.