1. ‘Ua o‘o ‘ina amata ‘ona fa‘ato‘ateleina o tagata i le fogā‘ele‘ele, ma ‘ua fānauina e i latou o afafine,
2. ‘ona va‘ava‘ai lea o atali‘i o le Atua i afafine o tagata, ‘ua lālelei lava i latou; ‘ona fai avā ai lea o i latou i fafine uma ‘ua latou loto i ai.
3. ‘Ona fetalai ane lea o le ALI‘I, “E lē fa‘avavau ‘ona finau o lo‘u Agaga ma tagata, auā ‘ua na o tagata i latou; a o latou aso e selau ma le luafulu o tausaga ia.”
4. Sa i le lalolagi i ia ona aso o tagata maualuluga; e fa‘apea fo‘i i ona tua mai, ‘ina ‘ua ō ane o atali‘i o le Atua i afafine o tagata ma ‘ua fānanau ai ‘iā te i latou, o tagata malolosi ia ma le tāua anamua.