11. ‘Ua fai atu Iuta ‘iā Tamara le avā a lona atali‘i. “‘Inā nofo fua ia oe i le ‘āiga o lou tamā, se‘ia matua Sila lo‘u atali‘i;” auā sa fa‘apea ia, Ne‘i oti fo‘i o ia, pei o ona uso. ‘Ona alu lea o Tamara, ‘ua nofo i le ‘āiga o lona tamā.
12. ‘Ua tele aso, ‘ona oti lea o le afafine o Sua le avā a Iuta; ‘ua fa‘amafanafanaina Iuta, ‘ona alu a‘e lea o ia i ē sele fulufulu o ana mamoe i Timenata, o i lā‘ua ma Eira lana uō le Atulama.
13. Na ta‘uina atu ai ‘iā Tamara o lo‘o fa‘apea, “Fa‘auta, o le tamā o lau tane ‘ua alu a‘e ia i Timenata e sele ai fulufulu o ana mamoe.”