9. Ma ‘ua fai ane e i latou uma sa i lea mea ma le leo gatasitasi: “Amene! Amene!”
10. A o Iutita, ‘ua tatalo ia i le Ali‘i, ‘ua ulufafo i le faitoto‘a, o i lā‘ua ma lana ‘au‘auna.
11. A ‘ua o‘o ‘ina alu ifo i le mauga i le tafa mai o ata, ‘ona fa‘afetaia‘i lea ‘iā te ia o tagata leoleo o Asuria ma ‘ua latou pupu‘e ‘iā te ia o fa‘apea mai: “Po o fea ‘e te sau ai, po o fea fo‘i ‘e te alu i ai?”
12. ‘Ua ia tali atu: “O a‘u o le afafine o tagata Eperu; ‘ua ‘ou sola ‘ese i o latou luma, auā ‘ua ‘ou iloa e o‘o ‘ina tu‘uina mai i latou ‘iā te ‘outou tou te vetea, ‘ona ‘ua latou tauemu ‘iā te ‘outou ma ‘ua latou le fia ifo ‘iā te ‘outou ma le loto malie, ‘ia maua ai e i latou le agaalofa i o ‘outou luma.