1. “O ai ‘ea lenei lē afio mai mai Etoma,‘ua afio mai mai Posara ma ‘ofu mūmū;o lē ‘ua matagofie lona ‘ofu; o lē afio mai i le tele o lona malosi?”“O a‘u lea, e tautala i le amiotonu,o lē ‘ua malosi e fa‘aola.”
2. “Se a le mea ‘ua mūmū ai lou ‘ofuma ou ‘ofu e pei o lē ‘ua soli i le soligāvine?”
3. “‘Ua ‘ou solia to‘atasi le tu‘ugāuaina,a o le nu‘u sa leai so latou e to‘atasi ‘iā te a‘u.Na ‘ou solia i latou i lo‘u ita,ma a‘u solia lava i latou i lo‘u tigā;na pisia o‘u ‘ofu i o latou toto,‘ua leaga ai o‘u ‘ofu uma.
4. Auā sa i lo‘u loto le aso e taui ai ma sui;‘ua o‘o fo‘i i le tausaga o ē ‘ua fa‘atauina e a‘u.
5. Na a‘u va‘ai, a ‘ua leai se fesoasoani;na ‘ou ofo lava ‘ina ‘ua leai sē lagolago mai ‘iā te a‘u.‘Ona faia lea e lo‘u lava lima le fa‘aolataga ma a‘u;na lāgomia fo‘i a‘u e lo‘u lava ita.
6. Na ‘ou solia le nu‘u i lo‘u ita,na ‘ou fa‘a‘onā ‘iā te i latou i lo‘u tigā;na ‘ou sasa‘aina fo‘i o latou toto i le ‘ele‘ele.”
7. ‘Ou te vivi‘i i le alofa o le ALI‘I,o vi‘iga o le ALI‘I,e tusa ma mea uma ‘ua foa‘i mai e le ALI‘I ‘iā te i tatou,ma lona agalelei tele lava i le ‘āiga o Isaraelu.‘Ua na foa‘i mai ‘iā te i latou e tusa ma lona alofa mutimutivale,e tusa fo‘i ma le tele o lona alofa.
8. Auā na fetalai o ia, “O lo‘u lava nu‘u i latou;o le fānau e lē pepelo;”na fai fo‘i o ia mo latou Fa‘aola.
9. O latou puapuagā uma na lē fai ai o ia mo latou fili;na fa‘aolaina i latou e le agelu mai ona luma.Na ia fa‘atauina i latou i lona alofa ma lona agalelei;na ia si‘itia i latou ma ‘ave ‘iā i latou i aso uma anamua.
10. A o i latou,na latou fouvale ma latou fa‘atigāina lona Agaga Pa‘ia.‘Ona liliu ai lea o ia ‘ua to‘asā ‘iā i latou,o ia lava na tau ma i latou.
11. Na ia manatua aso anamua,o Mose ma lona nu‘u.O ifea lē na fa‘aa‘e mai ‘iā te i latou mai le sami,fa‘atasi ma le leoleo a lona lafu mamoe?O ifea lē na tu‘u lona Agaga Pa‘ia i totonu ‘iā te ia?
12. O lē na ta‘ita‘i ‘iā te i latou i le lima taumatau o Mose,ma lona ‘a‘ao mamalu, na vāea e ia le sami i o latou luma,‘ina ‘ia faia mo ia le suafa e fa‘avavau?
13. O lē na ta‘ita‘i ‘iā te i latou i mea loloto,e pei o le solofanua i le vao, na latou le tausuai.
14. E pei o le lafu manu ‘ua alu ifo i le vanu,‘ua avane le mālōlōga ‘iā te i latou e le Agaga o le ALI‘I.Sa fa‘apea ‘ona e ta‘ita‘iina o lou nu‘ue fai mo oe le suafa mamalu.
15. Silasila mai ia mai le lagima e silafia mai lou afio‘aga pa‘ia ma le matagofie.O ifea lou mā‘elegā ma lou malosi?o le tagi o lou alo ma lou alofa ‘iā te a‘u ‘ua tāofia ‘ea ia?
16. Auā o oe lava lo matou Tamā;e ui lava ‘ina lē iloa o i matou e Aperaamo,‘ua lē va‘ai mai fo‘i Isaraelu ‘iā te i matou.O oe le ALI‘I o lo matou Tamā oe,o lē na fa‘atauina i matou mai anamuā lava lou suafa.
17. Le ALI‘I e, se a le mea ‘ua e fa‘asesēina ai i matou i ou ala?ma e fa‘ama‘a‘aina o matou loto ‘ina ‘ia lē matata‘u ‘iā te oe?Fo‘i mai ia ‘ona o au ‘au‘auna,o itū‘āiga o lou tofi.
18. E itiiti ona aso na faia ai e lou nu‘u pa‘ia mo i latou;o ē ita mai ‘iā te i matou ‘ua latou solia lou malumalu.
19. ‘Ua fai i matou e pei o i latou na e lē pule i ai talu anamua;e le‘i ta‘ua lou suafa i luga o i latou.