18. E pei o a latou amio e fa‘apea ‘ona taui mai e ia, o le to‘asā i ē ‘ua fai o ia mo latou fili, o le taui i ē ita ‘iā te ia; na te taui atu lava i nu‘u tu matāfaga.
19. E pau mai i sisifo, latou te matata‘u i le suafa o le ALI‘I; e pau mai fo‘i i le mea e alu a‘e ai le la, e matata‘u i latou i lona mamalu; a o‘o mai e pei se vaitafe lē ‘ua ita mai, ‘ona fa‘atūina lea o se tagavai e tete‘e atu ‘iā te ia e le Agaga o le ALI‘I.
20. E afio mai fo‘i le Fa‘aola i Siona, e afio mai fo‘i i ē liliu mai nai le solitulafono o lo‘o ‘iā Iakopo, ‘ua fetalai mai ai le ALI‘I.
21. A o a‘u, o la‘u feagaiga lenei e faia ma i latou, ‘ua fetalai mai ai le ALI‘I, O lo‘u Agaga o lo‘o i luga ‘iā te oe ma a‘u ‘upu ‘ua ‘ou tu‘uina atu ai i lou gutu, e le te‘a ‘ese ia i lou gutu ma gutu o lau fānau ma gutu o le fānau a lau fānau, e āfua mai i na ona aso, ‘ae o‘o i le fa‘avavau, ‘ua fetalai mai ai le ALI‘I.#