1. ‘Oi talofa i ē ō ifo i Aikupito e sā‘ili ai le fesoasoani;ma latou fa‘alagolago i solofanua ma latou fa‘atuatua i kariota, auā e tele ia;‘ua fa‘atuatua fo‘i i ē ti‘eti‘e i solofanua,auā e matuā malolosi i latou;a ‘ua latou lē fa‘alagolago i le Pa‘ia o Isaraelu ma latou le sā‘ili‘ili i le ALI‘I.
2. ‘Ae poto lava o ia, e fa‘ao‘o e ia le leaga;e lē fa‘afoisia mai e ia ana afioga;‘ae tula‘i atu ia e tau ma le ‘āiga o ē ‘ua amio leaga,e tau fo‘i ma ē fesoasoani i ē fai mea leaga.
3. O Aikupito o tagata lava i latou, e lē o le Atua;o a latou solofanua fo‘i o tino i latou, ‘ae lē o agaga.E fa‘aloaloa e le ALI‘I lona ‘a‘ao,‘ona tausuai ai lea o ē fesoasoani mai,e pa‘u‘ū fo‘i ē ‘ua maua le fesoasoani;e fa‘atau fa‘aumatia, i latou uma lava.
4. Auā o lo‘o fa‘apea ‘ona fetalai mai o le ALI‘I ‘iā te a‘u,E pei ‘ona gu o le leona, o le leona ta‘anoa fo‘i i lana mea ‘ua saeia, pe a fa‘apotopotoina leoleo mamoe e to‘atele e fasi ‘iā te ia,e lē fefe ia ‘iā latou ‘alalaga,e lē mata‘u fo‘i o ia i lo latou to‘atele;e fa‘apea ‘ona afio ifo o le ALI‘I o ‘au,e tau ‘ona o le mauga o Siona, o lona lava mauga,
5. E pei ‘ona ofaofata‘i o manu ‘iā latou tama,e fa‘apea fo‘i ‘ona fa‘amamaluina o Ierusalema e le ALI‘I o ‘au;o lo‘o fa‘amamaluina ma lavea‘iina,o lo‘o fa‘asaoina ma fa‘aolaina.
6. Toe fo‘i ia ‘outou ‘iā te ia, o lo‘o ‘ua ‘outou matuā ō ‘ese ai, o ‘outou le fānauga a Isaraelu.
7. Auā o le aso lava lea e ta‘itasi i latou ma tia‘i ai ana tupua ario ma ana tupua auro, na faia mo ‘outou e o ‘outou lima e agasala ai.
8. “E oti fo‘i Asuria i le pelu, ‘ae lē o le pelu o le tagata;e fa‘aumatia fo‘i o ia i le pelu,‘ae lē o le pelu a le tagata ola;e sola ‘ese ia i le pelu,o ona taulele‘a fo‘i latou te avatu taulaga.
9. E alu ane o ia i lona ‘olo i le mata‘u,e fefefe ali‘i ‘ua ‘iā te ia i le tagāvai;”o lo‘o fetalai mai ai le ALI‘Io lē ‘ua i Siona lana afi ma lana ‘ogāumu ‘ua i Ierusalema.#
Faitau le mataupu e atoatoa Isaia 31