11. ‘Ua ‘avea fo‘i le fa‘aaliga o mea uma ‘iā te ‘outou e pei o ‘upu a le tusi ‘ua fa‘amaufa‘ailogaina; ‘ua avatua i lē ‘ua iloa faitau, ‘ua fa‘apea atu, “Se‘i faitau mai ia lenei tusi;” a ‘ua fai mai o ia, “‘Ou te lē mafai, auā ‘ua fa‘amaufa‘ailogaina.”
12. ‘Ona avatua lea o le tusi i lē ‘ua lē iloa faitau, ‘ua fa‘apea atu, “Se‘i faitau mai ia lenei tusi;” a ‘ua fai mai o ia, “‘Ou te lē iloa faitau.”
13. O le mea lea ‘ua fetalai mai ai le Ali‘i:‘Ua fa‘alatalata mai lenei nu‘u ‘iā te a‘u i o latou gutu,ma latou vivi‘i mai ‘iā te a‘u i o latou laugutu,a ‘ua mamao lava o latou loto ‘iā te a‘u,o lo latou mata‘u fo‘i ‘iā te a‘u ‘ua a‘oa‘oina lea i ‘upu a tagata;
14. o le mea lava lea, fa‘auta mai,o le a a‘u faia ai le vāvega i lenei nu‘u,o le vāvega lava, o le mea fo‘i e ofo ai;e fano lava le poto o latou tagata popoto,e mavae fo‘i le mafaufau o latou tagata mafaufau.
15. ‘Oi talofa i ē o fai togafiti fa‘aloloto‘ina ‘ia lilo ai la latou filifiliga i le ALI‘I;‘ua fai i le pouliuli a latou meama ‘ua fa‘apea ane i latou,“O ai ‘ea se va‘ai mai ‘iā te i tatou?O ai fo‘i se iloa mai i tatou?”
16. E! lo ‘outou fa‘atu‘i‘ese e.Pe fa‘atusaina ‘ea le ‘omea i le tufuga?Pe fai atu ‘ea le mea na faia i lē na na faia,“E le‘i faia lava a‘u e ia?”Pe fai atu ‘ea le mea na gaosia i lē na na gaosia o ia,“E leai sona mafaufau?”
17. E lē toe itiiti lava ‘ea,‘ona liua lea o Lepanona ma fanua lafulemū,e ta‘ua fo‘i le fanua e lafulemū, o le vao matua?
18. O le aso lava lea e lagona ai ē o tutuli i ‘upu a le tusi,e fa‘apupulaina fo‘i mata o ē ‘ua tauaso‘ina ‘ua te‘a le pouliuli ma le pogisā.
19. O ē tigāina e fa‘atuputeleina lo latou fiafia i le ALI‘I;o tagata matitiva fo‘i e ‘oli‘oli i latou i le Pa‘ia o Isaraelu.
20. Auā ‘ua mavae atu lē na fa‘asauā,‘ua fa‘aumatia lē na tauemu,e fasiotia fo‘i i latou uma o ē na mataala e fai mea leaga;
21. o ē na fa‘asalaina le tagata i lana ‘upuma latou taumailei i lē ‘ua fai finauga i le faitoto‘ama fa‘aliliu‘eseina fua lava lē ‘ua amiotonu.
22. O lenei, o lo‘o fa‘apea ‘ona fetalai mai o le ALI‘I,o lē na lavea‘iina Aperaamo,‘ua fa‘apea mai i le ‘āiga o Iakopo:E lē toe fa‘amāina lava Iakopo, e lē toe sesega fo‘i ona mata.
23. Auā a va‘ai atu o ia i lana fānau,o le galuega a o‘u lima, i totonu ‘iā te ia,latou te ta‘upa‘iaina lo‘u igoama ta‘upa‘iaina le Pa‘ia o Iakopo,latou te matata‘u fo‘i i le Atua o Isaraelu.
24. O ē na sesē i o latou loto, latou te iloa mafaufau;o ē na muimui fo‘i, latou te a‘oa‘o ‘ia popoto.