1. ‘Oi talofa ‘iā Arielu, o Arielu,o le ‘a‘ai sa nofo ai Tavita.‘Inā fa‘aopoopo ia o lea tausaga ma lea tausaga;‘ia latou fai pea fo‘i o tausamiga.
2. ‘Ae peita‘i ‘ou te fa‘atigāina Arielu;e i ai le fa‘anoanoa ma le fa‘avauvau;e ‘iā te a‘u fo‘i o ia e pei o Arielu.
3. ‘Ou te tolauapi e vagavagai ‘iā te oe;‘ou te si‘osi‘o ‘iā te oe i ‘au;‘ou te fa‘atūina atu fo‘i ‘olo e tau ai ma oe.
4. E tu‘uina oe i lalo, e tautala mai oe mai le ‘ele‘ele,e leo itiiti mai au ‘upu mai le efuefu;o lou leo fo‘i e o‘o mai mai le ‘ele‘ele e pei o lē ‘ua i ai le aitu vavalo;‘e te leo i‘i fo‘i mai le efuefu.
5. E pei o le efuefu nini‘i le to‘atele o ē ‘ua ita ‘iā te oe;o le to‘atele fo‘i o ē ‘ua mata‘utia e pei o aputi e lelea i latou;e fa‘afuase‘i ‘ua se ‘emo lava ‘ona o‘o mai.
6. E asiasia oe e le ALI‘I o ‘aui le faititili ma le mafui‘e ma le ta‘alili tele;o le asiosio ma le afā ma le mumū o le afi e fa‘aumatia ai.
7. E pei o le miti, o le mea e va‘aia i le po,e fa‘apea fo‘i le vao tagata o nu‘u uma o ē tau ma Arielu,o i latou uma o ē tau ma ia ma ona ‘olo,‘atoa ma i latou o ē fa‘atigā ‘iā te ia.
8. E pei o lē ‘ua fia ‘ai o lo‘o fai lana miti,fa‘auta, ‘ua ‘ai lava ia; a ‘ua ala mai,‘ua lāina lava ia;e pei o lē ‘ua fia inu fo‘i o lo‘o fai lana miti,fa‘auta, ‘ua inu ia; a ‘ua ala mai,fa‘auta, ‘ua mole, ‘ua fia inu lava ia;e fa‘apea lava le vao tagata o nu‘u uma o ē tau i le mauga o Siona.
9. ‘Ia ‘outou fa‘atuatuai ma ‘ia ‘outou ofo;‘ia ‘outou ‘oli‘oli, ‘ae tauaso ‘outou;‘ua latou ‘onā, ‘ae lē o le uaina;‘ua latou tautevateva, ‘ae lē o le ‘ava.
10. Auā ‘ua liligi atu e le ALI‘I le agagae moe gase ai i luga ‘iā te ‘outou,‘ua fusifusia fo‘i e ia o ‘outou mata;‘ua ia ufitia fo‘i mata o perofeta ‘atoama ‘outou ali‘i, o tagata va‘ai ia.
11. ‘Ua ‘avea fo‘i le fa‘aaliga o mea uma ‘iā te ‘outou e pei o ‘upu a le tusi ‘ua fa‘amaufa‘ailogaina; ‘ua avatua i lē ‘ua iloa faitau, ‘ua fa‘apea atu, “Se‘i faitau mai ia lenei tusi;” a ‘ua fai mai o ia, “‘Ou te lē mafai, auā ‘ua fa‘amaufa‘ailogaina.”
12. ‘Ona avatua lea o le tusi i lē ‘ua lē iloa faitau, ‘ua fa‘apea atu, “Se‘i faitau mai ia lenei tusi;” a ‘ua fai mai o ia, “‘Ou te lē iloa faitau.”
13. O le mea lea ‘ua fetalai mai ai le Ali‘i:‘Ua fa‘alatalata mai lenei nu‘u ‘iā te a‘u i o latou gutu,ma latou vivi‘i mai ‘iā te a‘u i o latou laugutu,a ‘ua mamao lava o latou loto ‘iā te a‘u,o lo latou mata‘u fo‘i ‘iā te a‘u ‘ua a‘oa‘oina lea i ‘upu a tagata;
14. o le mea lava lea, fa‘auta mai,o le a a‘u faia ai le vāvega i lenei nu‘u,o le vāvega lava, o le mea fo‘i e ofo ai;e fano lava le poto o latou tagata popoto,e mavae fo‘i le mafaufau o latou tagata mafaufau.
15. ‘Oi talofa i ē o fai togafiti fa‘aloloto‘ina ‘ia lilo ai la latou filifiliga i le ALI‘I;‘ua fai i le pouliuli a latou meama ‘ua fa‘apea ane i latou,“O ai ‘ea se va‘ai mai ‘iā te i tatou?O ai fo‘i se iloa mai i tatou?”
16. E! lo ‘outou fa‘atu‘i‘ese e.Pe fa‘atusaina ‘ea le ‘omea i le tufuga?Pe fai atu ‘ea le mea na faia i lē na na faia,“E le‘i faia lava a‘u e ia?”Pe fai atu ‘ea le mea na gaosia i lē na na gaosia o ia,“E leai sona mafaufau?”