1. Le ALI‘I e, o lo‘u Atua lava oe;‘ou te fa‘ane‘ene‘e ‘iā te oe;‘ou te vivi‘i atu i lou suafa;auā ‘ua e faia mea e ofo ai;o mea na e pule ai talu anamua e fa‘amaoni ia,e moni lava.
2. Auā ‘ua e faia le ‘a‘ai ma faupuega ma‘a;o le ‘a‘ai nofo ‘olo ‘ua e lepetia.‘Ua e faia le maota o tagata ‘ese ‘ia leai se ‘a‘ai;e lē toe faia lava e fa‘avavau.
3. O le mea lea e vivi‘i atu ai ‘iā te oe le nu‘u malosi;e matata‘u ‘iā te oe le ‘a‘ai o nu‘u ‘ese e mata‘utia.
4. Auā o oe e malosi ai lē ‘ua vaivai,e malosi ai lē ‘ua mativa i lona puapuagā,O le malu i le afā, o le paolo i le vevela,pe a o‘o mai le ita o ē o mata‘utia e pei o se afā i le pā.
5. E pei o le vevela i le nu‘u naumati,‘e te fa‘amaulaloina le ta‘alili o tagata ‘ese;e pei o le vevela i le paolo o le ao,e fa‘amaulaloina lava le pese a tagata mata‘utia.
6. E faia e le ALI‘I o ‘au i lenei maugamo nu‘u uma le faigā‘ai o mea lelei,o le tausamiga o uaina ‘ua tu‘u ai ‘alu;o mea e silisili ‘ona lelei,o uaina ‘ua fa‘amaninoina sa tu‘u ai ‘alu.
7. E fa‘aumatia fo‘i e ia i lenei mauga le ‘ie ufiufi,o lo‘o ufitia a‘i nu‘u umama le ‘ie ufiufi ‘ua ufitia a‘i nu‘u ‘ese uma lava.
8. E fa‘aumatia e ia le oti e fa‘avavau;e sōloi‘esea fo‘i e le Ali‘i le ATUAo loimata i mata uma lava;e fa‘ate‘a‘eseina fo‘i e ia le gao o lona nu‘u i le lalolagi uma lava;auā ‘ua fetalai mai ai le ALI‘I.
9. O lea aso e fa‘apea ai,Fa‘auta, o lo tatou Atua lenei;sa tatou fa‘atalitali ‘iā te ia,‘ua ia fa‘aolaina fo‘i i tatou;o le ALI‘I lava lenei, sa tatou fa‘atalitali ‘iā te ia;tatou te fiafia ma ‘oli‘oli i lana fa‘aolataga.
10. Auā e tumau le ‘a‘ao o le ALI‘I i lenei mauga.E solia fo‘i Moapi i lona lava nu‘u,e pei ‘ona solia o ‘au o saito i le fa‘aputuga nasu.
11. E fa‘aloloa fo‘i e ia ona ‘a‘ao i totonu ‘iā te i latou,e pei ‘ona fa‘aloloa lima o le tagata e ‘a‘au ‘ina ‘ua ‘a‘au;na te fa‘amaulaloina lo latou fa‘amaualuluga,‘atoa ma togafiti o latou lima.
12. Na te lafotūina le ‘olo maualuga o ou pā,na te fa‘amaulaloina,na te fa‘agatasia ma le ‘ele‘ele, e o‘o lava i le efuefu.