1. O le avega a le vao o le sami.E ui ane e pei o asiosio i le itū i saute,e sau lava mai le vao,mai le nu‘u mata‘utia.
2. O le fa‘aaliga faigatā ‘ua fa‘aalia mai ‘iā te a‘u,o lē ‘ua sauā o lo‘o fa‘asauā,o lē ‘ua fa‘atafuna o lo‘o fa‘atafuna;Elama e, ‘inā alu a‘e ia;Metai e, ‘inā vagaia ia le ‘olo.‘Ua ‘ou fa‘ai‘uina mapuitigā uma.
3. O le mea lea ‘ua matuā tigā ai lo‘u tua,‘ua maua a‘u i le tigā e pei o le fa‘atigā o le fafine a fānau;‘ua tigāina a‘u, e lē mafai ‘ona fa‘alogo atu.‘Ua ‘ou so‘ona atuatuvale,e lē mafai ‘ona va‘ai.
4. ‘Ua polepole vale lo‘u loto;‘ua osofia a‘u i le mata‘u;o le po na ‘ou ‘oli‘oli ai‘ua faia lea e ia ma mea e mata‘utuia ai a‘u.
5. ‘Ua laulau atu mea i le la‘o‘ai;‘ua tofia le matamoe;o lo‘o ‘a‘ai, o lo‘o inu.Ali‘i e, tutū ia i luga, ‘inā fa‘au‘u ia le talitā.
6. Auā ‘ua fa‘apea ‘ona fetalai mai o le Ali‘i ‘iā te a‘u,“Alu ia, ‘inā e tofia se tagata e va‘ai,na te fa‘aali atu le mea na va‘ai o ia i ai.
7. ‘Ona iloa lea e ia o ‘au e ō ta‘ito‘alua,e ti‘eti‘e i solofanua,o ‘au e ti‘eti‘e i asini ma ‘au e ti‘eti‘e i kamela;‘ona matuā fa‘alogologo ai lava lea o ia.”
8. ‘Ona ‘alaga lea o ia e pei o le leona:“Le ali‘i e, ‘ou te tu a‘u nei i le ‘olo e leoleo ai e lē aunoa i le ao;‘ou te tu fo‘i a‘u i le mea ‘ou te matamoe ai i po uma lava.
9. Fa‘auta fo‘i, o lo‘o ō mai ‘aue ta‘ito‘alua e ti‘eti‘e i solofanua.”‘Ona toe fai mai ai lea o ia, “‘Ua pa‘ū, ‘ua pa‘ū Papelonia;o tupua uma fo‘i a ona atua‘ua ia tu‘ipalaina i le ‘ele‘ele.”
10. La‘u sasaga e, ma le saito o i la‘u mea e sasa ai saito;o mea ‘ua ‘ou fa‘alogologo ai i le ALI‘I o ‘au o le Atua o Isaraelu,‘ua ‘ou fa‘aali atu ai ‘iā te ‘outou.
11. O le avega a Tuma.Na vala‘au mai le tasi ‘iā te a‘u mai Seira,“Le leoleo e, po ‘ua a ‘ea le po?Le leoleo e, po ‘ua a ‘ea le po?”
12. ‘Ua fai atu le leoleo,“O lo‘o sau le taeao, ‘atoa fo‘i ma le po;‘āfai tou te fesili, ‘inā fesili ia;‘ia ‘outou liliu ia, ‘inā ō mai ia.”
13. O le avega a Arapi.O le vao o Arapi tou te momoe ai ‘outou malaga a Titana.
14. O ē nonofo i le nu‘u o Tema ‘ua latou avatu le vai e fa‘afetaia‘i i ē ‘ua fia inu,‘ua latou fonofono ma mea e ‘ai i ē ‘ua sōsōla mai.
15. Auā ‘ua latou sōsōla ‘ese i pelu,o le pelu fo‘i ‘ua tōina ma le ‘aufana ‘ua lolo‘u,‘atoa ma le tau‘a ‘ua faigatā.
16. Auā o lo‘o fa‘apea ‘ona fetalai mai o le Ali‘i ‘iā te a‘u: Toe tasi le tausaga, e tusa ma tausaga o lē ‘ua galue i le totogi, ‘ona fa‘aumatia ai lea o le mamalu uma o Kitara.
17. O ē ‘ua totoe o ē fai ‘aufana, o tagata totoa o Kitara e fa‘ato‘aitiitia i latou; auā ‘ua fetalai mai ai le ALI‘I le Atua o Isaraelu.#