1. ‘Ua lagona e tupu uma sa i le itū mai o Ioritana, i mauga, ma nu‘u maulalo, ma itū uma o le sami tele e feagai ma Lepanona, o sa Hetī, ma sa Amorī, o sa Kanana, o sa Perisē, o sa Hivī, ma sa Iepusē;
2. ‘ona fa‘apotopoto fa‘atasi ai lea o i latou e tau ai le tau‘a ma Iosua ma Isaraelu; ‘ua loto gatasi.
3. ‘Ua fa‘alogo e na nonofo i Kipeona i mea ‘ua faia e Iosua i Ieriko ma Ai;
4. ‘ona latou fai togafiti fa‘a‘ole‘ole lea, ‘ua latou ō ma fa‘atagā tausavali; ‘ua latou fa‘ae‘e taga pala i luga o a latou asini, ma fagu uaina ‘ua pala, ma māsaesae, ma fusifusi;