9. ‘Ua fai le tofi o le fānauga a Simeona mai le tofi o le fānauga a Iuta; auā o le vaega o le fānauga a Iuta sa sili ‘iā te i latou; o le mea lea na fai ai e le fānauga a Simeona lo latou tofi i totonu o lo latou tofi.
10. ‘Ua maua e le fānauga a Sepulona le tolu o tofi, e tusa ma o latou ‘āiga; ‘ua o‘o le tuā‘oi o lo latou tofi i Sariti.
11. ‘Ua alu a‘e fo‘i lo latou tuā‘oi i le sami, ma Marala, ma o‘o atu i Tapaseta, ‘ua o‘o atu fo‘i i le alia e feagai ma Iokeneama;
12. ‘Ona afe a‘i lea mai Sariti i sasa‘e, i le mea e alu a‘e ai le la, ‘ua o‘o atu i le tuā‘oi o Kaselo-tapora, ‘ona alu atu ai lea i Taparata, ma alu a‘e i Iafia.
13. ‘Ona ui ane ai lea nai lea mea i sasa‘e i Kataferu, i Ita-kasena, ma alu atu i Rimonimetoara i Nea;
14. ‘ua fa‘ata‘amilomilo i ai le tuā‘oi i le itū i matū i Anatonu; a o lona gata‘aga o le vanu o Iefitaelu.
15. O Katata fo‘i, ma Naalolo, ma Semarona, ma Itala, ma Peteleema; o ‘a‘ai e sefulu ma le lua, ma o latou faoa ‘a‘ai.
16. O le tofi lea o le fānauga a Sepulona, e tusa ma o latou ‘āiga; o ‘a‘ai ia, ma o latou faoa ‘a‘ai.
17. ‘Ua maua e Isakara o le fa o tofi, mo le fānauga a Isakara, e tusa ma o latou ‘āiga.
18. O lo latou tuā‘oi fo‘i ‘ua feagai ma Isereelu, ma Kesulota, ma Sunema,
19. ma Afaraima, ma Seona, ma Anaarata,
20. ma Rapati, ma Kisoona, ma Apesa,
21. ma Remeta, ma Enekanima, ma Eneata, ma Petepasesa;
22. ‘ua o‘o atu fo‘i le tuā‘oi i Tapora, ma Saasuma, ma Petesemesa; a o lona gata‘aga o lo latou tuā‘oi o Ioritana lea; o ‘a‘ai e sefulu ma le ono ma o latou faoa ‘a‘ai.
23. O le tofi lea o le itū‘āiga o le fānauga a Isakara, e tusa ma o latou ‘āiga; o ‘a‘ai ma o latou faoa ‘a‘ai.