31. O le tofi lea o le itū‘āiga o le fānauga Asera, e tusa ma o latou ‘āiga; o ‘a‘ai ia, ma o latou faoa ‘a‘ai.
32. ‘Ua maua e le fānauga a Nafatali le ono o tofi, o le fānauga a Nafatali, e tusa ma o latou ‘āiga.
33. O lo latou tuā‘oi ‘ua āfua mai i Elefa, mai Aluna i Sanamina, ma Atame-nekepa ‘atoa ma Iapenelu, e o‘o atu i Lakuma; a o lona gata‘aga o Ioritana lea.
34. ‘Ona afe a‘i lea o le tuā‘oi i sisifo i Aseno-tapora, ma alu atu nai lea mea i Ukoke, ‘ua o‘o atu i Sepulona i le itū i saute, ‘ua o‘o fo‘i i Asera i sisifo, ma Iuta i Ioritana i le mea e alu a‘e ai le la.
35. O ‘a‘ai fo‘i ‘ua nofo ‘olo, o Setima, o Sero, ma Amata, o Rakata, ma Kinereta,
36. ma Atama, ma Rama, ma Hasora,
37. ma Katesa, ma Eterei, ma Eneasora,
38. ma Irona, ma Meketala-elu, ma Horema, ma Peteanata, ma Petesemesa; o ‘a‘ai e sefulu ma le iva, ma o latou faoa ‘a‘ai.
39. O le tofi lea o le itū‘āiga o le fānauga a Nafatali, e tusa ma o latou ‘āiga; o ‘a‘ai ma o latou faoa ‘a‘ai.
40. ‘Ua maua e le itū‘āiga o le fānauga a Tanu le fitu o tofi, e tusa ma o latou ‘āiga.
41. O le tuā‘oi o lo latou tofi o Soraa, ma Esetaola, ma Iresemesa,
42. ma Salapina, ma Ailona, ma Itala,
43. ma Aluna, ma Timenata, ma Ekerona,