Le mataupu

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24
  25. 25
  26. 26
  27. 27
  28. 28
  29. 29
  30. 30
  31. 31
  32. 32
  33. 33
  34. 34
  35. 35
  36. 36
  37. 37
  38. 38
  39. 39
  40. 40
  41. 41
  42. 42

Feagaiga Tuai

Feagaiga Fou

Iopu 40 O LE TUSI PA'IA - Ekalesia Katoliko Roma (RSCB)

O isi Afioga a le Atua ‘iā Iopu

1. ‘Ua tali mai pea le ALI‘I ‘iā Iopu, ‘ua fa‘apea mai,

2. “O lē finau ma Lē e ona le malosi uma lava, na te a‘oa‘i mai ‘ea?O lē fa‘atonu mai i le Atua, ‘ia tali mai o ia i lea mea.”

3. ‘Ona tali atu ai lea o Iopu i le ALI‘I, ‘ua fa‘apea atu,

4. “Fa‘auta, ‘ua fa‘atauva‘a lava a‘u, se a se mea ‘ou te tali atu ai ‘iā te oe?‘Ou te tu‘u a‘e lo‘u lima i lo‘u gutu.

5. ‘Ua ‘ou tautala atu fa‘atasi, ‘ae ‘ou te lē toe tali atu;‘ua fa‘alua fo‘i, ‘ae ‘ou te lē toe fa‘aopoopo i ai.”

6. ‘Ona tali mai ai lea o le ALI‘I ‘iā Iopu mai le afā, ‘ua fa‘apea mai:

7. “‘Inā fusi ia lou sulugātiti e pei o le tagata malosi;‘ou te fesili atu ‘iā te oe, ‘inā e fa‘ailoa mai ia ‘iā te a‘u.

8. ‘E te fa‘alēaogāina ‘ea la‘u lava fa‘atonuga?‘E te fa‘asala ‘ea ‘iā te a‘u, ‘ina ‘ia ta‘uamiotonuina oe?

9. ‘Ua ‘iā te oe ‘ea le lima e pei o lo le Atua?pe ‘e te faititili ‘ea ma le leo e pei o ia?

10. “‘Inā e teteu ia oe i le mamalu ma le maluali‘i;ma ‘ia e ‘ofu i le vi‘iga ma le matagofie.

11. ‘Inā sasa‘a solo atu ia le tele o lou ita;‘ia e va‘ai atu fo‘i i ē fa‘amaualuga uma lava, ma ‘ia e fa‘amaulaloina i latou.

12. Va‘ai atu ia i ē fa‘amaualuga uma,ma ‘ia e fa‘ato‘ilaloina i latou;‘ia e solipalaina fo‘i o ē amio leaga i le mea o i ai i latou.

13. ‘Ia e tanumia i latou fa‘atasi i le ‘ele‘ele;‘ia e fusi o latou mata i le mea lilo.

14. ‘Ona ‘ou ta‘utino atu ai lea ‘iā te oe,‘ua mafai ‘ona fa‘aolaina oe i lou lima taumatau.

15. “Fa‘auta ‘ea i le Pemota, o lē na ‘ou faia fa‘atasi ma oe,na te ‘aina le mutia e pei o le povi.

16. Fa‘auta, ‘ua i ai lona malosi i lona pāpātua,ma lona malosi fo‘i ‘ua i ai i mea mamaso o i lona manava.

17. ‘Ua ia fa‘amalo‘u i lona i‘u e pei o le arasi,‘ua felavasa‘i ua o lona tulāi‘u.

18. O ona ivi, o ivi ‘apamemea ia;o ona ivi e pei o se ‘oso u‘amea.

19. “O le sili ia o mea na faia e le Atua;o lē na faia o ia ‘ua ia tu‘u atu i ai lana pelu.

20. Auā ‘ua fua mai mea e ‘ai mā ia i mauga,‘ua ta‘a‘alo ai manu fe‘ai uma o le vao.

21. E ta‘oto o ia i lalo o la‘au paolo,i mea lilo o i ai u ma palapala.

22. ‘Ua malu‘ia o ia i le paolo o la‘au paolo;‘ua si‘omia o ia i garava i le alia.

23. Fa‘auta, a osofia ‘auvai o le vaitafe, e lē sola lava o ia;e lē fefe fo‘i o ia pe a fa‘atumuina lona gutu i vai o le Ioritana.