9. Pe lelei ‘ea ‘ina ‘ia su‘esu‘e mai o ia ‘iā te ‘outou?pe tou te pelogia ‘ea o ia, e pei ‘ona pelogia o le tagata e le tasi?
10. E matuā a‘oa‘i o ia ‘iā te ‘outou,pe a ‘outou fa‘ailogaina fa‘alilolilo nisi.
11. Pe lē fa‘amata‘utia ‘ea ‘outou i lona silisili?Pe lē o‘o atu ‘ea lona mata‘utia ‘iā te ‘outou?
12. O a ‘outou ‘upu fa‘amanatu o fa‘atusa lefulefu ia,o ‘outou ‘olo o ‘olo ‘omea ia.
13. “Sōia tou te tautala ‘iā te a‘u, so‘u tautala atu a‘u,‘ona faitalia lea se mea e o‘o mai ‘iā te a‘u.
14. Faitalia se mea e o‘o mai ‘ou te u lo‘u tino i ‘ou nifo,ma ‘ou tu‘u lo‘u ola i lo‘u lima.
15. E ui lava ‘ina fasioti o ia ‘iā te a‘u, ‘ou te fa‘amoemoe pea ‘iā te ia;‘ae peita‘i ‘ou te fa‘atonu atu o‘u ala i ona luma.
16. E fai lava o ia mo‘u fa‘aolataga;auā e lē alu atu se tagata fa‘alēmata‘u i ona luma.
17. ‘Inā matuā fa‘alogologo mai ia i la‘u ‘upu,ma la‘u fa‘amatalaga i o ‘outou taliga.
18. Fa‘auta mai ‘ea, ‘ua ‘ou sauni i le fa‘amasinoga;‘ua ‘ou iloa, e ta‘uamiotonuina lava a‘u.
19. Po o ai ‘ea o ia ma te fefinaua‘i?auā o le a ‘ou fa‘alologo nei ma ‘ou oti.
20. Tau o mea e lua ‘aua ‘e te faia ‘iā te a‘u,‘ona ‘ou lē lafi ai lea i ou luma.
21. ‘Ia mamao lou ‘a‘ao ‘iā te a‘u,‘aua fo‘i ne‘i fa‘afefe ‘iā te a‘u i lou mata‘utia.
22. Le Atua e, ‘ia e vala‘au mai, ‘ona ‘ou tali atu ai lea;pe ‘ou te tautala atu, ‘ona e tali mai ai lea ‘iā te a‘u.
23. E fia ‘ea a‘u amio leaga ma a‘u agasala?‘Inā fa‘ailoa mai ia ‘iā te a‘u lo‘u solitulafono ma la‘u agasala.