1. “‘Ua musu lo‘u loto i lo‘u ola;‘ou te tu‘uina atu a‘u ‘ia tagi pea;‘ou te tautala i le tigā o lo‘u loto.
2. ‘Ou te fai atu i le Atua,‘Aua ‘e te fa‘asala mai ‘iā te a‘u,‘ia e fa‘ailoa mai ‘iā te a‘u le mea ‘e te finau mai ai ‘iā te a‘u.
3. Pe lelei ‘ea ‘iā te oe ‘ina e fa‘asauā,ma e ‘ino‘ino i le galuega a ou ‘a‘ao,ma e fa‘amanuia le pule a ē amio leaga?
4. ‘Ua e fofoga ‘ea i mata o tagata?po ‘ua e silasila ‘ea e pei o le va‘ai o tagata?
5. O ou aso ‘ea e pei o aso o tagata?po ou tausaga ‘ea e pei o aso o tagata?
6. ‘Ina ‘ua e sā‘ili mai i la‘u amio leaga,ma su‘esu‘e i la‘u agasala.
7. ‘Ua e silafia lava, ‘ua ‘ou lē amio leaga;e leai fo‘i sē lavea‘i mai i lou ‘a‘ao.
8. Na saunia ma faia a‘u ‘atoa uma e ou ‘a‘ao;a ‘ua e fasioti ‘iā te a‘u.