15. ‘Ua latou mamā ‘ea ‘ona o le mea ‘inosia ‘ua latou faia?‘Ua matuā le mamā lava i latou,‘ua latou lē iloa lava le māsiasi;o le mea lea e pa‘u‘ū ai i latou fa‘atasi ma ē ‘ua pa‘u‘ū;o ona po ‘ou te asiasi ai ‘iā te i latou, latou te tausuai ai,o lo‘o fetalai mai ai le ALI‘I.
16. O lo‘o fa‘apea ‘ona fetalai mai o le ALI‘I:‘Ia ‘outou tutū i ala ma va‘ava‘ai ma fesili i ala o le vavau,po o i fea le ala lelei ma ‘ia ‘outou sāvavali ai,‘ona maua lea e ‘outou o le mālōlōga mo ‘outou agaga.A ‘ua latou fai mai, “Matou te le sāvavali i ai.”
17. ‘Ua ‘ou tofia fo‘i tagata va‘ai mo ‘outou, o ē ‘ua fa‘apea mai,“‘Inā fa‘alogo ia i le leo o le pū.”A ‘ua latou fai mai, “Matou te lē fa‘alogo i ai.”
18. O lenei, ‘inā fa‘alogologo mai ia ‘outou nu‘u ‘ese,‘ia ‘outou iloa fo‘i o ‘outou le fa‘apotopotoga,le mea e ‘iā te i latou.
19. Le lalolagi e, ‘inā fa‘alogologo mai ia,fa‘auta, o a‘u nei ‘ou te fa‘ao‘oina atu le malaia i lenei nu‘u,o le fua o latou lava mafaufauga,auā ‘ua latou lē fa‘alogo i a‘u ‘upu;o la‘u tulafono fo‘i ‘ua latou lafoa‘iina lea.
20. Se a le mea ‘ua ‘aumai ai ‘iā te a‘uo pulu lipano mai Seepa ma kani manogi mai le nu‘u mamao?O a ‘outou taulaga mūe lē talia ia ma a ‘outou taulaga ‘ou te lē fiafia i ai.
21. O le mea lea ‘ua fa‘apea ‘ona fetalai mai ai o le ALI‘I:Fa‘auta, ‘ou te tu‘uina atu i luma o lenei nu‘u o mea e tausuai ai,e tausuai ai tamā fa‘atasi ma o latou atali‘i;e fano fo‘i le tagata ‘atoa ma lana uō.
22. ‘Ua fa‘apea ‘ona fetalai mai o le ALI‘I:Fa‘auta, o le a ō mai tagata mai le nu‘u i le itū i matū,o le a lagaina mai le nu‘u tele mai tulu‘iga o le lalolagi;
23. latou te tagofia le ‘aufana ma le tao;‘ua sauā i latou, ma latou lē alolofa;e ta‘alili o latou leo e pei o le sami;‘ua latou ti‘eti‘e fo‘i i solofanua,‘ua sauniuni e pei o tagata i le tau‘a,latou te tau ma oe, le tama fafine a Siona e.
24. “‘Ua tatou lagona le tala i ai;‘ua vaivai ai o tatou lima;‘ua maua i tatou i le puapuagā,o le tigā e pei o le fafine o le a fānau mai.
25. ‘Aua tou te ō i le fanua,‘aua fo‘i le ui ane i le ala;auā ‘ua i ai le pelua lē ‘ua ita mai ma le mata‘u i itū uma.”
26. Le tama fafine a lo‘u nu‘u e,‘ia e fusi ‘iā te oe i le ‘ie talatala ma ‘ia e ta‘afili i le lefulefu;‘ia e fa‘anoanoa e pei ‘ona fa‘anoanoa se tasi i lona atali‘i e to‘atasi,o le tagitu‘i lotulotu;auā e fa‘afuase‘i ‘ona o‘o mai ‘iā te i tatoulē na te fa‘atafunaina.
27. ‘Ua ‘ou tofia oe o lē tofotofo i lo‘u nu‘u,o le ‘olo, ‘ina ‘ia e iloa ma tofotofo i lo latou ala.
28. ‘Ua matuā vaogatatā i latou uma;‘ua feoa‘i i latou ma fe‘ave‘avea‘i;o ‘apamemea ma u‘amea i latou;o i latou uma ‘ua latou fa‘atauma‘oi mea.
29. ‘Ua mū le tapili,‘ua fa‘aumatia le pulu i le afi;o lē fai mea u‘amea na te fa‘ate‘a‘eseina fua le otaota;auā e le fa‘ate‘a‘eseina tagata amio leaga.