1. O le afioga a le ALI‘I na o‘o mai ‘iā Ieremia ‘ona o le la mala:
2. ‘Ua fa‘anoanoa Iuta,ma ‘ua fa‘avaivai ona faitoto‘a.‘Ua fa‘avauvau i latou ‘ua punou i le ‘ele‘ele,ma ‘ua alu a‘e le ‘alaga o Ierusalema.
3. ‘Ua ‘a‘auina atu e o latou ali‘i o latou tagata i le vai;‘ua latou ō atu i vai‘eli,‘ua lē maua ni vai.‘Ua latou toe fo‘i mai ma a latou ipu e le i‘i‘o;‘ua mamā i latou ma māsiasi,‘ua latou ufiufi fo‘i i o latou ulu.
4. ‘Ua mamā i latou o ē galue fanua,‘ua ufiufi i o latou ulu ‘ona o le lau‘ele‘ele ‘ua māvaevae,auā ‘ua leai sē ‘ua i le nu‘u.
5. O le ‘aila lava ‘ua fānau ia i le vao,ma ‘ua tu‘ua lana tama,auā ‘ua leai se vao mu‘a.
6. O asini fo‘i o le vao ‘ua tutū i mauga tula,na latou sogisogi i le matagi e pei o luko;‘ua ‘avea o latou mata, auā e leai ni vao iti.
7. Le ALI‘I e, e ui lava ‘ina ‘ua molimau a matou agasala ‘iā te i matou,‘ia e faia lava ‘ona o lou suafa.Auā ‘ua tele lo matou liliu ‘ese;‘ua matou agasala ‘iā te oe.