1. O le afioga a le ALI‘I na o‘o atu ‘iā Hosea le atali‘i o Peri, i ona po o Usia, Iotama, Aasa, ma Esekia, o tupu o Iuta; o ona po fo‘i o Ierepoamo le atali‘i o Ioasa le tupu o Isaraelu.
2. O le amataga o le afioga a le ALI‘I ‘iā Hosea. ‘Ua fetalai mai le ALI‘I ‘iā Hosea, “Alu ia oe ‘ia e faiavā i le fafine talitane ma ia fai māu le fānau a le faita‘aga auā ‘ua matuā faita‘aga lava le nu‘u ‘ua ō ‘ese i le ALI‘I.”
3. ‘Ona alu ai lea o ia ‘ua fai māna avā o Komeri le afafine o Tipelaima, ‘ua tō fo‘i o ia ‘ua fānau mai ai lona atali‘i.