15. O le mea ‘ua pi‘opi‘o e lē mafa‘asa‘oina;o le mea fo‘i ‘ua lē i ai e lē mafaitaulia.
16. Na ‘ou tautala ifo i lo‘u loto, ‘ua fa‘apea ifo, “Fa‘auta, ‘ua ‘ou fa‘ateleina lava le poto, o ē sili lava ‘iā te i latou uma sa pule i Ierusalema e muamua ‘iā te a‘u; e tele fo‘i le poto ma le iloa o mea na maua i lo‘u loto.”
17. ‘Ua ‘ou fa‘asaga fo‘i lo‘u loto ‘ia iloa le poto, ‘ia iloa fo‘i le fa‘alialia vale ma le valea; ‘ua ‘ou iloa ai fo‘i o le ‘ai i le matagi lea.
18. Auā o le tele o le poto e tele ai le loto tigā;o lē na te fa‘ateleina fo‘i le iloa o mea,na te fa‘ateleina ai le fa‘anoanoa.#