1. Lo‘u atali‘i e,‘ia e fa‘alogo mai i lo‘u poto;‘ia ua‘i mai ou taliga i lo‘u fa‘autauta.
2. ‘Ina ‘ia e tausiusi i le mafaufau;ma ‘ia leoleoina le poto i ou laugutu.
3. Auā e fa‘asisina ifo meli a‘i laugutu o le fafine ‘ese;o lona gutu fo‘i e sili ‘ona molemole i le suāu‘u;
4. ‘ae mulimuli ane ‘ua ‘o‘ona ia, e pei o le laena;e ma‘ama‘ai o ia, e pei o le pelu ‘ua fa‘atau ma‘ai ona itū.
5. E ō ifo ona vae i le oti; e taunu‘u atu ona la‘asaga i seoli.
6. ‘Ina ne‘i e mafaufau i le ala o le ola,o lea ‘ua fesēa‘i ai ona ala; ‘e te lē mafai ‘ona e iloa.
7. O lenei, le fānau e,‘ia ‘outou, fa‘alogo mai ‘iā te a‘u;‘aua fo‘i ne‘i ‘alo ‘ese ‘outou i ‘upu a lo‘u gutu.
8. ‘Ia taumamao lou ala ‘iā te ia;‘aua fo‘i ‘e te fa‘alatalata i le faitoto‘a o lona fale;