Feagaiga Tuai

Feagaiga Fou

Faataoto 21:6-16 O LE TUSI PA'IA - Ekalesia Katoliko Roma (RSCB)

6. O le faupuega‘oloa ‘ua maua i le laulaufaiva pepelo,o le mea fa‘atauva‘a lea ‘ua fa‘ata‘ape‘apeina e i latou o sā‘ili‘ili i le oti.

7. O le sauā o ē amio leaga e ‘ave‘esea ai i latou;auā ‘ua latou lē mafafai ‘ona faia o le fa‘amasinoga.

8. E fa‘api‘opi‘o ma ui ‘ese le ala o tagata;a o lē ‘ua lelei, e tonu lana galuega.

9. E lelei ‘ona nofo i le tumutumu i luga o le fale;‘ae leaga ‘ona nofo ma le fafine fa‘amisa i le fale tele.

10. O le loto o lē amio leaga, ‘ua mana‘o lea i le leaga;e le alofagia e ia lē la te tuā‘oi.

11. A fa‘asalaina lē ‘ua tauemu, ‘ua fa‘apotoina ai lē ‘ua faigofie;a a‘oa‘oina fo‘i le tagata poto, na te maua le poto.

12. ‘Ua mafaufau lē amiotonu i le ‘āiga o lē amio leaga;o lo‘o ‘ua lafotūina ē ‘ua amio leaga ‘ona o lo latou leaga.

13. O lē na te punitia ona taliga i le vala‘au a le tagata mativa,e vala‘au lava o ia, ‘ae lē talia.

14. O le mea foa‘i fa‘alilolilo, e lomia ai le ita;o le taui fo‘i i le fatafata, e lomia ai le ita tele.

15. O i ai le fiafia i lē ‘ua amiotonu i lona faia o mea tonu;‘ae malaia o ē fai mea leaga.

16. O le tagata ‘ua sesē nai le ala o le mafaufau,e tumau o ia i le fa‘apotopotoga o agaga o ē ‘ua oti.

Faitau le mataupu e atoatoa Faataoto 21