15. O i ai le fiafia i lē ‘ua amiotonu i lona faia o mea tonu;‘ae malaia o ē fai mea leaga.
16. O le tagata ‘ua sesē nai le ala o le mafaufau,e tumau o ia i le fa‘apotopotoga o agaga o ē ‘ua oti.
17. O le tagata mativa ‘ua mana‘o i mea fa‘afiafia,o lē ‘ua mana‘o i le uaina ma le suāu‘u, e le mau‘oa ia.
18. E fai ma togiola mo le amiotonu lē ‘ua amio leaga;e fai fo‘i ma sui o ē amio sa‘o ē ‘ua amio fa‘api‘opi‘o.
19. E lelei ‘ona nofo i le vao,‘ae leaga ‘ona nofo ma le fafine fa‘amisa ma le fa‘aitaitagofie.
20. O le ‘oloa tāua ma le suāu‘u, o lo‘o i ai ia i le fale o le tagata poto;a o le tagata valea, na te fa‘amaumauina ia mea.
21. O lē ‘ua tausisi i le amiotonu ma le alofa, e maua e ia le ola,ma le amiotonu, ma le vi‘iga.
22. E ā‘ea e le tagata poto le ‘a‘ai a ē totoa;na te lafotūina fo‘i le malosi latou te fa‘atuatua i ai.
23. O lē ‘ua leoleo i lona gutu ma lona laulaufaiva,e tausi o ia ‘iā te ia ai puapuagā.
24. O le fa‘atauemu fa‘amaualuga ma le fa‘afefeteina,o le igoa lea o lē ‘ua fai lona ita ma le fa‘amaualuga.
25. O le mana‘o o le paiē e oti ai o ia;auā e lē mafafai e ona lima ona galulue;
26. ‘ua tu‘inanau lava o ia i aso uma;a o lē ‘ua amiotonu, e foa‘i lava e ia, na te lē tāofia fo‘i se mea.
27. O le taulaga a ē amio leaga, e ‘inosia lea;‘ae atili ai pe a ‘aumaia ma le manatu leaga.