Feagaiga Tuai

Feagaiga Fou

Faataoto 21:1-8 O LE TUSI PA'IA - Ekalesia Katoliko Roma (RSCB)

1. O le finagalo o le tupu, o vaitai ia i le ‘a‘ao o le ALI‘I;na te liliuina i mea uma ‘ua ia finagalo i ai.

2. O ala uma o le tagata e tonu ia i lona lava manatu;a o le ALI‘I, na te fuatia loto.

3. ‘Ia faia le amiotonu ma le fa‘amasinoga;e sili ‘ona lelei o lea i le ALI‘I i le taulaga.

4. O mata fa‘asiasia ma le loto fefete,o le lamepa fo‘i a ē amio leaga, o le agasala lea.

5. O mafaufauga o ē filigā i galuega, na o le mau mea e i‘u i ai;a o mafaufauga o ē fa‘ata‘alise uma lava, e i‘u ai na o le mativa.

6. O le faupuega‘oloa ‘ua maua i le laulaufaiva pepelo,o le mea fa‘atauva‘a lea ‘ua fa‘ata‘ape‘apeina e i latou o sā‘ili‘ili i le oti.

7. O le sauā o ē amio leaga e ‘ave‘esea ai i latou;auā ‘ua latou lē mafafai ‘ona faia o le fa‘amasinoga.

8. E fa‘api‘opi‘o ma ui ‘ese le ala o tagata;a o lē ‘ua lelei, e tonu lana galuega.

Faitau le mataupu e atoatoa Faataoto 21