1. E lelei si fāsi mea e ‘ai ‘ua magumagu, a o i ai le filemū;‘ae leaga le fale ‘ua tumu i manu ‘ua fasia, a o i ai le misa.
2. E pule le ‘au‘auna poto i le atali‘i na te fa‘atupu le mā;e fai lona vaega o le tofi fa‘atasi ma le ‘au uso.
3. E fai le ipu e tunu ai le ario ma le ‘ogāumu e tunu ai le auro;a o le ALI‘I, na te tofotofoina loto.
4. O lē fai mea leaga, ‘ua ua‘i atu ona taliga i laugutu leaga;o le tala pepelo e fa‘alogo o ia i le laulaufaiva ‘upu pa‘a‘ā.
5. O lē ‘ua tauemu i le tagata mativa, e fāifaia e ia Lē na faia o ia;o lē ‘ua fiafia i le mala, e lē fa‘asaoina o ia.
6. O le pale o toeaina, o fānau a latou fānau ia;o le fa‘amatagofie o le fānau, o latou tamā ia.
7. E le ono i laugutu o le vale ‘ona tautala i mea e sili ‘ona lelei;‘ae matuā le ono i laugutu pepelo i le ALI‘I.
8. O le mea alofa, o le ma‘a matagofie lea i lē ‘ua i ai;o mea uma e fa‘asaga i ai, e manuia ai.
9. O lē ‘ua ufiufi le soliga o le tulafono, na te sā‘ilia le alofa;a o lē ‘ua finauvale, na te fa‘ate‘a‘eseina uō.
10. E sili ‘ona ogoogo o le a‘oa‘iga i le tagata mafaufau,i ta e selau i le vale.
11. ‘Ua na o le leaga e sā‘ilia e lē ‘ua fouvale;‘ae ‘auina atu ‘iā te ia le ‘au‘auna sauā.
12. ‘Ia fetaia‘i ma le tagata se urosa ‘ua ‘avea lana toloa‘i;‘ae ‘aua le fetaia‘i ma le vale i lona valea.
13. O lē na te taui atu le lelei i le leaga,e le te‘a le leaga i lona ‘āiga.
14. O le amataga o le finauga, o le tu‘uina atu lea o le vai;o le mea lea ‘inā tu‘u ai ia le misa, manū ‘ua lē tupu tele.
15. O lē na te ta‘uamiotonu atu i lē ‘ua amio leaga, ma lē ‘ua fa‘asala i lē ‘ua amiotonu,e fa‘atau ‘inosia i lā‘ua e le ALI‘I.
16. E i ai i se a le taui i le lima o le vale e maua ai e ia le poto,a ‘ua leai sona loto i ai?
17. E alofa le uō i aso uma lava; ‘ae fānau le uso mo le aso vale.
18. O le tagata ‘ua leai sona mafaufau,‘ua fetāgofi o lā‘ua lima ma le tasi; ‘ua fai o ia ma moni i luma o lana uō.
19. O lē ‘ua mana‘o i le soliga o le tulafono, ‘ua mana‘o lea i le misa;o lē ‘ua fa‘amaualugaina lona faitoto‘a, ‘ua sā‘ili o ia le malaia.
20. O lē ‘ua i ai le loto fa‘api‘opi‘o, e lē maua e ia se lelei;ma lē ‘ua fa‘a‘ole‘ole lona laulaufaiva, e pa‘ū ia i le leaga.
21. O lē na te fānaua le vale, e fai lea mōna fa‘anoanoaga;e leai fo‘i sē fiafia i le tamā o le ulavale.
22. O le loto fiafia, e fai ma vaila‘au aogā lea;a o le loto fa‘anoanoa e mamago ai ivi.
23. E talia e le tagata amio leaga le mea alofa nai le fatafata,‘ina ‘ia fa‘aliliu ‘ese e ia ala o le fa‘amasinoga.
24. O lo‘o i ai i le tagata mafaufau le poto;a o mata o le vale, ‘ua i le tulu‘iga o le lalolagi ia.
25. O le atali‘i valea o le fa‘atigā loto lea i lona tamāo le fa‘a‘ono‘ono fo‘i i lē na fānau mai o ia.
26. E lē lelei ‘ona fa‘asala i lē ‘ua amiotonu;e lē lelei fo‘i ‘ona fasi i ali‘i ‘ona o le amio sa‘o.
27. O lē ‘ua i ai le poto, e tāofia e ia ana ‘upu;o lē ‘ua agamalū fo‘i, o le tagata fa‘autauta lea.
28. O le vale lava, a fa‘alologo o ia, fa tagata, o ia ‘ua poto;o lē ‘ua pupuni ona laugutu, fa tagata, o le tagata mafaufau ia.