18. O lē ‘ua ufiufi le ‘ino‘ino, ‘ua ‘iā te ia laugutu pepelo;ma lē ‘ua fai tala leaga, o le vale lava ia.
19. O le tele o ‘upu e fa‘aono solia ai le tulafono;a o lē ‘ua tāofi ona laugutu, o le tagata poto lea.
20. O le laulaufaiva o lē amiotonu, o le ario e sili ‘ona lelei lea;o loto o ē amio leaga, e tusa ia ma se mea fa‘atauva‘a.
21. O laugutu o lē amiotonu e fagaina a‘i le to‘atele;a o ē vālelea, e oti i latou ‘ina ‘ua leai se mafaufau.
22. O le fa‘amanuia a le ALI‘I, o lea e fa‘atamao‘āiga ai;na te lē fa‘aopoopo i ai se tigā.
23. E pei ‘ona fai ma mea e ‘ata‘ata ai le vale ‘ina ‘ua fai mea leaga;e fa‘apea fo‘i le poto i le tagata mafaufau.