17. ‘Ua i le ala o le ola o lē tausi i mea e a‘oa‘oina;a o lē ‘ua tu‘ua le a‘oa‘iga, ‘ua sesē lea.
18. O lē ‘ua ufiufi le ‘ino‘ino, ‘ua ‘iā te ia laugutu pepelo;ma lē ‘ua fai tala leaga, o le vale lava ia.
19. O le tele o ‘upu e fa‘aono solia ai le tulafono;a o lē ‘ua tāofi ona laugutu, o le tagata poto lea.
20. O le laulaufaiva o lē amiotonu, o le ario e sili ‘ona lelei lea;o loto o ē amio leaga, e tusa ia ma se mea fa‘atauva‘a.
21. O laugutu o lē amiotonu e fagaina a‘i le to‘atele;a o ē vālelea, e oti i latou ‘ina ‘ua leai se mafaufau.
22. O le fa‘amanuia a le ALI‘I, o lea e fa‘atamao‘āiga ai;na te lē fa‘aopoopo i ai se tigā.
23. E pei ‘ona fai ma mea e ‘ata‘ata ai le vale ‘ina ‘ua fai mea leaga;e fa‘apea fo‘i le poto i le tagata mafaufau.
24. O le mea e mata‘u i ai lē amio leaga, e o‘o lava lea ‘iā te ia;a o le mana‘o o ē amiotonu, e foa‘iina mai lava lea.
25. E pei ‘ona mavae atu o le asiosio, ‘ua fa‘apea fo‘i lē ‘ua amio leaga ‘ona leai;a o lē amiotonu, ‘ua i ai fa‘avae e fa‘avauvau.
26. E pei o le vineka i nifo, e pei o le asu fo‘i i mata,e fa‘apea le paiē i ē ‘ua ‘auina o ia.
27. O le mata‘u i le ALI‘I e fa‘alevaleva ai aso;a o tausaga o ē amio leaga, e fa‘aitiitiina ia.
28. O le fa‘amoemoe o ē amiotonu o le ‘oli‘oli lea;a o le fa‘atuatuaga o ē amio leaga, e i‘u vale lea.
29. O le ala o le ALI‘I o le malosi lea i ē ‘ua sao a latou amio;a o le malaia i ē fai amio leaga.