1. O fa‘ata‘oto a Solomona.O le atali‘i poto na te fa‘afiafia lona tamā;a o le tama valea e fa‘anoanoa ai lona tinā.
2. E lē aogā le faulaiga‘oloa o le amio leaga;a o le amiotonu, e lavea‘i lea nai le oti.
3. E lē fa‘alāina e le ALI‘I o ē amiotonu;a o le mana‘o o amio leaga, e te‘ena lea e ia.
4. E mativa lē ‘ua galue ma le lima vaivai;a o ē lima malosi e mau‘oa i latou.
5. O lē fa‘aputu i le tausaga vevela, o le atali‘i poto lea;a o lē moegase i le tausaga e selesele ai saito,o le atali‘i lea e tupu ai le mā.
6. O fa‘amanuia ‘ua i luga o le ulu o lē amiotonu;a o gutu o ē amio leaga, ‘ua ufitia ia i le fa‘asauā.
7. O le fa‘amanatuina o le amiotonu, e vi‘ia lava lea;a o igoa o ē amio leaga, e pala ia.
8. O lē ‘ua poto lona loto, na te talia poloa‘iga;a o lē ‘ua gutu vale, e lafotūina ia.
9. O lē savali i le amiotonu, ‘ua savali ma le saogalemū o ia;a o lē fa‘api‘opi‘o ona ala, e fa‘aalia o ia.
10. O lē ‘ua genogeno ona mata, na te fa‘atupuina le tigā;o lē ‘ua gutu vale fo‘i, e lafotūina ia.
11. O le gutu o le amiotonu, o le puna o le ola lea;a o gutu o ē amio leaga, ‘ua ufitia ia i le fa‘asauā.
12. O le ‘ino‘ino e fa‘atupu ai misa;a o le alofa e ufiufi ai solitulafono uma lava.
13. ‘Ua iloa le poto i laugutu o lē mafaufau;a o le sasa, e tatau lea i le tua o lē ‘ua leai sona mafaufau.
14. O ē popoto latou te teua le poto;a o le gutu o le vale, ‘ua latalata i ai le malaia.