1. ‘E te faia fo‘i le fatafaitaulaga, o le fata e mū ai mea manogi; ‘e te faia i le la‘au o le setima.
2. O le kupita e tasi lona umi, ma le kupita e tasi lona lau, e fai fa‘atafafā, o kupita e lua lona maualuga; e fai ona nifo i lea lava mea.
3. ‘E te ufiufi fo‘i ia i le auro lelei, o lona ufi ma ona itū e so‘o ai, ma ona nifo; ‘e te fai ai fo‘i le pale auro e fa‘ata‘ali‘oli‘o ai.
4. ‘E te faia ona mama auro e lua, i lalo o lona pale, i ona tuli fata, i ona itū e lua ‘e te faia; e fai ma mea e sulu ai amo e amo a‘i.
5. ‘E te faia fo‘i o ia amo i le la‘au o le setima, ‘e te ufiufitia i le auro;
6. ‘e te tu‘uina ai i luma o le ‘ie puipui, o lo‘o i luma i le ‘atola‘au o le tulafono, i luma o le nofoa o le alofa, o i luga o le ‘atola‘au o le tulafono, o le mea lea tā te fetaia‘i ai ma oe.