1. O lenā lava po na lē iloa ai e le tupu sina moe. ‘Ona fai atu lea o le tupu e ‘aumai le tusi e fa‘amanatu a‘i tala i nofoa‘iga. ‘Ona faitaulia ai lea i luma o le tupu.
2. ‘Ona iloa lea ‘ua tusia le mea na ta‘u atu e Moretekai ‘iā Piketano ma Terese, o eunuka ia e to‘alua a le tupu, ē na leoleo i le faitoto‘a, o ē na fia fa‘ao‘o o la lima i le tupu o Asueru.
3. ‘Ona fai atu lea o le tupu, “Pe se a se mea lelei ma se mamalu ‘ua faia mo Moretekai ‘ona o lenei mea?”‘Ona tali mai lea o ‘au‘auna a le tupu o ē na ‘au‘auna atu ‘iā te ia, “E leai se mea ‘ua faia mo ia.”
4. ‘Ona fai atu lea o le tupu, “O ai ‘ea ‘ua i le lotoā?”Auā ‘ua alu ane Hamanu i le lotoā i fafo o le fale o le tupu e fai atu ai i le tupu ‘ia fa‘atautauina Moretekai i le la‘au ‘ua ia saunia mo ia.