17. ‘Āfai ‘ua alofaina a‘u e le tupu, ‘āfai fo‘i e lelei i le tupu ‘ona faia le mea ‘ou te fa‘atoga atu ai, ma ‘ia faia le mea ‘ou te mana‘o i ai, ‘ina toe afio mai ia le tupu ma Hamanu i le tautega ‘ou te saunia mo i lā‘ua, ‘ona ‘ou faia lea taeao e pei ‘ona fetalai mai ai o le tupu.”
18. ‘Ona alu atu lea o Hamanu i lenā aso ma le ‘oli‘oli ma le loto fiafia; a ‘ua va‘ai atu Hamanu ‘iā Moretekai i le faitoto‘a o le tupu, ‘ua lē tula‘i, ‘ua lē fa‘aaloalo fo‘i ‘iā te ia, ‘ona tele ai lea o le ita o Hamanu ‘iā Moretekai.
19. A ‘ua ‘o‘ono Hamanu; ‘ua alu atu fo‘i i lona fale ma na ‘a‘auina atu nisi e ‘amia ana uō, ma Seresa lana avā.
20. ‘Ona fa‘amatalaina atu lea e Hamanu ‘iā te i latou o le mamalu o lona tamao‘āiga, ma le to‘atele o ana fānau, ma mea uma ‘ua fa‘asilisiliina ai o ia e le tupu, ma ‘ona ‘ua fa‘aeaina ai o ia ‘ia sili i ali‘i ma ‘au‘auna a le tupu.