1. ‘Ua o‘o i le aso tolu, ona ‘ofu ai lea o Eseta i ‘ofu o le masiofo, ma tu atu i le lotoā o le fale o le tupu, o le lotoā i totonu i luma o le fale o le tupu, o lo‘o nofo mai le tupu i le nofoāli‘i o le tupu i le fale o le tupu, ‘ua feagai ma le faitoto‘a o le fale.
2. ‘Ua iloa mai e le tupu o le masiofo o Eseta o lo‘o tu atu i le lotoā, ‘ona alofaina lea o ia e ia. ‘Ua fa‘aloaloa mai fo‘i e le tupu lona to‘oto‘o auro na i ai i lona lima ‘iā Eseta; ‘ona fa‘alatalata atu ai lea o Eseta, ma pa‘i atu i le i‘u o le to‘oto‘o.