16. o Amato o Perota, o Seperimo, o lo‘o i le vā o le tuā‘oi o Tamaseko ma le tuā‘oi o Amato, o Hasaratikona, o lo‘o i le tuā‘oi o Haurana.
17. O lona tuā‘oi, e pau mai i le sami o Hasarenana le tuā‘oi o Tamaseko, mai le itū i matū e fa‘asaga i le itū i matū, ma le tuā‘oi o Amato. O le itū i matū lea.
18. O le itū i sasa‘e fo‘i tou te fuatia, e amata mai i Haurana ma Tamaseko ma Kiliata ma le lau‘ele‘ele o Isaraelu i Ioritana, e pau mai i le tuā‘oi i le sami i sasa‘e. O le itū i sasa‘e lea.
19. O le itū i saute e fa‘asaga i le itū i saute, e pau mai i Tamara, e pau mai i le vai o Meripa i Katesa i le alia e o‘o i le sami tele. O le itū lea i le i saute.
20. O le itū i sisifo, o le sami tele lea, e pau mai i le tuā‘oi e o‘o i le mea e feagai ma le ala e ui atu ai i Amato. O le itū i sisifo lea.
21. Tou te vaevaeina lenā lau‘ele‘ele ‘iā te ‘outou, e fa‘atatau i itū‘āiga o Isaraelu.
22. Tou te vaevaeina ai i le vili e fai ma tofi mo ‘outou, ‘atoa ma tagata ‘ese o ē āumau ‘iā te ‘outou, o ē fānaua tama i lo ‘outou nu‘u; e ‘avea fo‘i i latou ‘iā te ‘outou e tusa ma tama a le ‘ele‘ele i le fānauga a Isaraelu, latou te fai tofi fa‘atasi ma itū‘āiga o Isaraelu.
23. O le itū‘āiga e āumau ai le tagata ‘ese, tou te avatu ai ‘iā te ia lona tofi, o lo‘o fetalai mai ai le Ali‘i le ATUA.