1. ‘Ua o‘o mai fo‘i le afioga a le ALI‘I ‘iā te a‘u, ‘ua fa‘apea mai:
2. Le atali‘i e o le tagata, ‘ia e fa‘asaga atu i le mauga o Seira ma vavalo atu i ai,
3. fai atu fo‘i i ai, ‘Ua fa‘apea ‘ona fetalai mai o le Ali‘i le ATUA:Fa‘auta, le mauga o Seira e,‘ua ‘ou fai oe mo‘u fili,‘ou te fa‘aloaloa atu fo‘i lo‘u limai luga ‘iā te oema ‘ou matuā fa‘atafunaina lava oe.
4. ‘Ou te fa‘agaogaoina ou ‘a‘ai,e fa‘atafunaina lava oe,‘ona e iloa ai lea o a‘u lava o le ALI‘I.
5. Auā ‘ua ‘iā te oe le itatu‘u ma ‘ua e tu‘uina atu le fānauga a Isaraelu i le malosi o le pelu i ona po o lo latou malaia, o ou po fo‘i na i‘u ai le amio leaga.
6. O le mea lea o lo‘o fetalai mai ai le Ali‘i le ATUA, ‘Ou te ola a‘u, ‘ou te tu‘uina atu oe i le toto, e tuliloa fo‘i le toto ‘iā te oe; na e le ‘ino‘ino i le toto, o lea e tuliloa ai le toto ‘iā te oe.
7. ‘Ou te matuā fa‘atafunaina le mauga o Seira, ma ‘ou fa‘aumatia o ia o lē alu atu i ai, ‘atoa ma lē toe fo‘i mai.
8. ‘Ou te fa‘atūtūmuina fo‘i ona mauga i ona tagata ‘ua fasia; o ou mauga ma ou vanu ma ou vaitafe uma, e pa‘u‘ū ai i latou o ē ‘ua fasia i le pelu.
9. ‘Ou te fa‘atafunaina oe e fa‘avavau, e lē toe ‘ainā ou ‘a‘ai; ‘ona ‘outou iloa ai lea o a‘u lava o le ALI‘I.
10. ‘Ua e fa‘apea, “O ia nu‘u e lua ma o la lau‘ele‘ele e lua e fai mo‘u, matou te nonofo ai;” ‘ae peita‘i ‘ua i ai le ALI‘I.