7. ‘Ua latou avatua le tusi ‘iā te ia, ‘ua tusia fa‘apea fo‘i i totonu:“‘Ia ‘iā Tariu le tupu le manuia uma.
8. ‘Ia silafia e le tupu na matou ō atu i le itū mālō o Iuta, i le fale o le Atua silisili, o lo‘o faia i ma‘a tetele ma la‘au ‘ua tu‘u i ona pā; o lenei galuega fo‘i ‘ua faia ma le fa‘amalosi ma ‘ua manuia i o latou lima.
9. ‘Ona matou fesili atu lea i na toeaina, ‘ua fa‘apea atu ‘iā te i latou, ‘Po o ai na fai atu ‘iā te ‘outou tou te faia lenei fale ma fa‘aumaina nei pā?’
10. Na matou fesili atu fo‘i ‘iā te i latou i o latou igoa e fa‘ailoa atu ‘iā te oe, ‘ina ‘ia tusi atu ai igoa o tagata e sili ‘iā te i latou.