36-39. O le fānauga a Ietaia, o le ‘āiga o Iesua, e iva selau e to‘afitugafulu ma le to‘atolu.O le fānauga a Imere, e to‘aafe e to‘alimagafulu ma le to‘alua.O le fānauga a Pasura, e to‘aafe e to‘alua lau e to‘afagafulu ma le to‘afitu.O le fānauga a Harima, e to‘aafe e to‘asefulu ma le to‘afitu.
40-42. O le fānauga a Iesua ma Katameeli,o le fānauga ia a Hotavia, e to‘afitugafulu ma le to‘afa.O le ‘au pepese; o le fānauga a Asafo, e to‘aselau e to‘aluafulu ma le to‘avalu.O le fānauga a le ‘au leoleo faitoto‘a; o le fānauga a Saluma,o le fānauga a Atere,o le fānauga a Talemoni,o le fānauga a Akupa,o le fānauga a Hatita,o le fānauga a Sopai,o i latou uma e to‘aselau e to‘atolugafulu ma le to‘aiva.
43-54. O ‘au‘auna o le malumalu;o le fānauga a Seka, o le fānauga a Hasufi, o le fānauga a Tapaota,o le fānauga a Kirosa, o le fānauga a Seaa, o le fānauga a Patono,o le fānauga a Lepana, o le fānauga a Hakepa, o le fānauga a Akupa,o le fānauga a Hakapa, o le fānauga a Salemai, o le fānauga a Hanana,o le fānauga a Kitele, o le fānauga a Gakara, o le fānauga a Reaia,o le fānauga a Resina, o le fānauga a Nekota,o le fānauga a Gasama,o le fānauga a Usa, o le fānauga a Pasea, o le fānauga a Pesai,o le fānauga a Asena, o le fānauga a Meunima, o le fānauga a Nefasemo,o le fānauga a Pakepuka, o le fānauga a Hakupa, o le fānauga a Harekuru,o le fānauga a Paseluta o le fānauga a Mekita, o le fānauga a Haresa,o le fānauga a Parekusa, o le fānauga a Sesera, o le fānauga a Timaka,o le fānauga a Neseka, o le fānauga a Hatifa.
55-57. O le fānauga a Sotai, o le fānauga a Soferete, o le fānauga a Feruta,o le fānauga a Iaala, o le fānauga a Tarekono, o le fānauga a Kitele,o le fānauga a Sefatia, o le fānauga Hatili, o le fānauga a Pokerete o le Sepaima, o le fānauga a Ame.
58. O ‘au‘auna uma o le malumalu ma le fānauga a ‘au‘auna a Solomona, e tolu selau e to‘aivagafulu ma le to‘alua.
59. O i latou nei fo‘i o ē na ō a‘e a‘i Tele-melaka ma Tele-aresa ma Kirova, ma Atana, ma Imere; a ‘ua lē mafaia e i latou ‘ona fa‘aalia mai le ‘āiga o latou tamā, ma lo latou tupuga, pe ni Isaraelu i latou;
60. o le fānauga a Talaia, o le fānauga a Tovia, o le fānauga a Nekota, e ono selau e to‘alimagafulu ma le to‘alua.
61. O isi fānauga fo‘i a le ‘au ositaulaga; o le fānauga a Hapaia, o le fānauga a Kosa, o le fānauga a Pasili o lē na fai avā i le afafine o Pasili le Kiliata, sa igoa fo‘i o ia i lo latou igoa;
62. o i latou ia na latou sā‘ili‘ili i lo latou tusiga i ē na tusia o latou tupuga, ‘ae le‘i maua; sa ta‘ua ai i latou ‘ua leaga, ‘ua te‘a ai ma le faiva o ositaulaga.
63. Na fai atu fo‘i ‘iā te i latou le ali‘i e pule, ‘aua ne‘i ‘a‘ai i latou i mea e sili ‘ona pa‘ia, se‘ia tu mai se ositaulaga ma le Urima ma le Tumema.
64-67. O le aofa‘i o le fa‘apotopotoga uma, e fa sefulu o afe ma afe e lua ma le tolu selau ma le to‘aonogafulu;o a latou ‘au‘auna tane ma a latou ‘au‘auna fafine, o i latou ia e fitu afe e tolu selau e to‘atolugafulu ma le to‘afitu;sa ‘iā te i latou fo‘i o tane pepese ma fafine pepese e to‘alua selau.O a latou solofanua e fitu selau e tolugafulu ma le ono;o a latou falata e lua selau e fagafulu ma le lima;o a latou kamela e fa selau e tolugafulu ma le lima;o a latou asini e ono afe e fitu selau ma le luafulu.
68. O isi fo‘i o matai sili, ‘ua latou o‘o mai i le fale o le ALI‘I o i Ierusalema ‘ona fai taulaga lea ma le loto mo le fale o le Atua ‘ina ‘ia toe fa‘atūina ai i lona tulaga tuai.
69. ‘Ua latou foa‘i e tusa ma a latou mea i le ‘oloa mo le galuega, o auro e ono sefulu o afe ma le afe e tasi o tareki ma ario e lima afe o mina ma ‘ofu tino o ositaulaga e selau.
70. Sa nonofo fo‘i le ‘au ositaulaga ma sa Levī ma isi o le nu‘u ma le ‘au pepese ma le ‘au leoleo faitoto‘a ma ‘au‘auna o le malumalu, ‘iā latou ‘a‘ai ma Isaraelu uma ‘iā latou ‘a‘ai.#